Digitála diehtojuohkin sámegiela ja sámi girjjálašvuođa doavttirgrádaprográmma birra

Háliidatgo diehtit eambbo Sámigiela ja sámi girjjálašvuođa doavttirgrádaprográmma birra. Boađe Sámi allaskuvlla diehtojuohkinčoahkkimii gaskavahku 29.4. 2026 dii. 18:00  - 19:30

Dát diehtojuohkinčoahkkin lágiduvvo maiddái fysalaččat 15.4.2026. loga dan birra dappe

Sámi giela ja sámi girjjálašvuođa doavttirgrádaprográmma álggahuvvo juohke nuppi jagi Sámi allaskuvllas. Čuovvovaš háve álggahuvvo 2027 čavčča.

Doavttirgrádaprográmma lea dutkiidoahppu. Dat addá nana vuođu bargat sámegiella- ja girjjálašvuođadutkin ja oahpahit sámegiela dahje sámi girjjálašvuođa alitoahpus.

Doavttirgrádaprográmmii gullet stipendiáhtavirggit. Datges mearkkaša ahte stipendiáhta oažžu bálkká go gazzá oahpu. Sámi allaskuvla almmuha stipendiáhtavirggiid boahtte oahppojagi.

Diehtojuohkinčoahkkimis beasat gullat prográmma sisdoalu, huksehusa ja sisabeassangáibádusaid ja stipendiáhtavirggiid birra. 

zoom liŋka: https://samas.zoom.us/j/65321778592?pwd=2ZB010fnBbdoUIKJNSvyuQ1MTatFoj.1

Facebook event