Individuála heiveheapmi oahpahussii ja eksámenii
Studeanttain geain leat earenomaš dárbbut dahje doaibmahehttejumit, lea vuoigatvuohta oažžut oahppodili ja eksámena heivehuvvot dainna lágiin ahte sihkárastto ahte sis lea ovttadássásaš oahppovejolašvuođat.
- Studeanttaid vuoigatvuohta individuála heivehemiide boahtá Dásseárvvu- ja vealahanlága § 21:s ja Universitehta- ja allaskuvlalága § 10-5 -
- Universitehta- ja allaskuvlalága § 10-6 muitala makkár vuoigatvuohta studeanttain lea heiveheapmái go leat vuordime máná ja mánnáoažžun permišuvnna birra. Permišuvnnaid birra logat eanet dáppe: Oahpuid hálddašeapmi
Geaidda lea individuála heiveheapmi jurddašuvvon?
Individuála heiveheapmi lea studeanttaid váras geain leat earenoamáš dárbbut ja doaibmahehttejumit, dahje studeanttaid váras geain lea fuolahusovddasvástádus mánnái geas leat dákkár dárbbut. Doaimmashehttejumit sáhttet leat sihke fysalaččat, psyhkalaččat dahje kognitiiva, omd:
- Oaidninváttut, guluheapmi dahje lihkadanhástalusatž
- Lohkan- dahje čállinváttut, dyskalkuli,
- Iešguđetge kronalaš dávddat
- Psykalaš váttisvuođat
- Kognitiiva doaibmahehttejupmi
- Sosiála váttisvuođat
Gáibádus dokumentašuvdnii
Don fertet sáhttit duođaštit ahte dus lea earenoamáš dárbu dahje doaibmahehttehus man geažil dárbbahat heiveheami. Dákkár duođaštus galggašii čilget makkár hástahusat dus leat ja makkár váikkuhus das leat dutnje ja du oahppodillái.
Oza individuála heiveheami
Jus dus lea dárbu individuála heivehemiide, váldde oktavuođa nu árrat go vejolaš ovdal oahppu álgá, de beassat gulahallat dan birra ahte makkár čovdosiid sáhttit gávdnat du dárbbuide.
- Oza heiveheami dán skovi bokte: Ohcanskovvi: Individuála heiveheapmi
- Ohcanáigemearri: Eksámenheivehemiid fertet ohcat unnimusat 2 vahku ovdal eksámena.
- Oahppohálddahus čađaha dábálaččat kártenságastallama jus studeanttas lea dárbu eará heivehemiide go eksámenheiveheapmái.
- Kártenságastallama maŋŋel dahkko mearrádus heiveheami ektui.
Individuála heiveheamiid oktavuođaolmmoš: Anne Karen Hætta Bals, oahpporáđđeaddi
- Lohkanmearri jietnagirjin, e-girjin dahje čuokkisčálan
-
Studeanttat geat rahčet lohkamiin, sáhttá leat vuoigatvuohta oažžut geavaheaddji girjerádjosii gos sáhttá oažžut fágagirjjálašvuođa jietnagirjin, e-girjin, čuokkisčálan.
- Studeanttas sáhttet leat lohkanváttut omd. heajos oainnu, dysleksiija, ADHD, konsentrašuvdnaváttisvuođa dávdda/ vahágahttima dihte dahje fysalaš doaibmahehttehusa dihte.
- Tibis lea čalmmehis studeanttain ja studeanttain geain lea hui heajos oaidnu vuoigatvuohta oažžut heivehuvvon lohkanmeari produserejuvvot, earáin geain lea dokumenterejuvvon lohkanváttut lea luoikkahanvuoigatvuohta.
- Maiddái veahá sámegielat fágagirjjálašvuohta gávdno heivehuvvon hámis.
- Geahča girjerádjosiid neahttasiiddus makkár njuolggadusat leat ja movt sáhtát ohcat geavaheaddji.
Norggás: Tibi - Biblioteket for tilrettelagt litteratur
Ruoŧas: Legimus
- Lassi stipeanda studeanttaide geat eai sáhte bargat
-
Norggá loatnakássas sáhttet studeanttat geat leat doaibmavádjit ja dan dihte eai bargat, ohcat oažžut lassi stipeandda.
Loga eanet dáppe: Nedsatt funksjonsevne