Almmolaš journála

Almmolaš journála almmuheapmi

Almmolaš journálain leat bajilgovat dokumeanttain mat leat boahtán sisa ja mannan olggos, ja Sámi allaskuvlla siskkáldas notáhtain. Dokumeanttat leat almmolaččat ja daid sáhttá geahččat jus eai čuovo eará lága dahje láhkaásahusa.

Sámi allaskuvlla almmolaš journálat almmuhuvvot dábálaččat juohke nuppi vahku, ja almmuhuvvot maŋŋel go dieđut journálain leat kvalitehtasihkkarastojuvvon almmolašvuođa ja personsuodjalusa gustojeaddji njuolggadusaid mielde. Teavsttat main leat dieđut mat gullet jávohisvuođageatnegasvuođa vuollái, lea suddjejuvvon. Jus leat spiehkasteamit dahje jus leat gažaldagat almmolaš journálaid birra, de váldde oktavuođa čujuhussii postmottak@samiskhs.no

Ášše- ja dokumentageahčadeapmi

Buohkain lea vejolašvuohta gáibidit beassat geahčadit journálii registrerejuvvon dokumeanttaid, almmolaš journálaid vuođul. Vuoigatvuohta lea vuođđuduvvon almmolašvuođalága § 3:ii, gos čuožžu ahte geahčadanvuoigatvuohta guoská áššebáhpiriidda, journálaide ja sullasaš registariidda. Geahččangáibádus galgá gustot dihto áššái, dahje govttolaš muddui dihto áššiide. Danne ferte sáhttit identifiseret ášši dahje áššiid. § 9 vuođul sáhttá maiddái bivdit geahččanlobi dieđuide diehtovuođus maid álkis veahkkeneavvuiguin sáhttá genereret dokumeantan. Maiddái eará lágat leat deaŧalaččat vuhtiiváldit geahččanvuoigatvuođa, dás maiddái hálddahuslága § 18 (geahččan ovttaskas olbmo/oasálačča ovddas), ja persovdnadiehtolága § 15 (geahččan registrerejuvvon persovdnadieđuid).

Geahččangáibádus almmolašlága vuođul galgá meannuduvvot vuođohis áji haga, ja Sámi allaskuvla geahččala vástidit dakkár gáibádusa golmma viđa beaivvi sisa. Sámi allaskuvla lea geatnegas árvvoštallat buot geahččangáibádusaid almmolašvuođa ja priváhta beroštumiid vuođul. Dasto galgá Sámi allaskuvla doaimmahit "eanet almmolašvuođa (meirinnsyn)" almmolašvuođalága § 11 mielde, mii mearkkaša ahte galget beassat geahččat jus almmolašvuohta lea deaŧaleappot go dárbu suodjalit.

Áššebáhpiriin main ollásit dahje muhtin muddui leat čiegus dieđut, eai soaitte dárbbašit biddjot almmolašvuhtii almmolašvuođalága § 13 mearrádusaid vuođul, vrd. hálddahuslága § 13 gitta 13f rádjái. Jávohisvuođageatnegasvuođa rihkkun ráŋggáštuvvo ráŋggáštuslága § 121 mielde. Jus ohcamuš hilgojuvvo, de dieđihuvvo čálalaččat mas boahtá ovdan makkár láhkavuođu mielde ohcamuš hilgojuvvui, ja váidin- ja meannudanáigi lea jus sádde váidaga.

Biehttaleapmi beassat geahččat ja váidinvejolašvuohta

Almmolašvuođalága mielde lea geahčadeami biehttaleapmi eaŋkilmearrádus man sáhttá váidit almmolašvuođalága § 32 mielde. Son gii lea ožžon biehttaleapmi sáhttá golmma vahku siste dan rájes go biehttaleapmi bođii, gáibidit ákkastallama man vuođul geahčadeami biehttaluvvui. Ásahus galgá addit čálalaš ákkastallama nu johtilit go vejolaš, ja maŋemusat logi bargobeaivvi maŋŋá go gáibádus lea vuostáiváldon.

Oktasaš váiddalávdegoddi lea váidalusásahus eaŋkilmearrádusaide maid alit oahppoásahusat leat dahkan. gč. Universitehta- ja allaskuvlaláhkaásahusa § 8, gč. almmolašvuođalága § 32 vuosttaš lađas. Muđui gusto hálddašanlága kapihtal VI váidima ja nuppástuhttima birra. Váidináigemearri lea golbma vahku dan rájes go bealli lea ožžon dieđu mearrádusa birra, gč. hálddašanlága § 29 vuosttaš lađas.