Artihkkalat

Ođđa dieđalaš girji soabadan ja duohtavuođa kommišuvnnaid birra

Dál lea ođđa girji “Trading Justice for Peace? Reframing Reconciliation in TRC Processes in South Africa, Canada and Nordic Countries” almmuhuvvon. Girjjis leat Lulli-Afrihká, Canada ja Norgga soabadan ja duohtavuođa kommišuvnnaid barggut guovddáš fáddán. Sámi allaskuvlla dutkit Lovisa Mienna Sjöberg ja Mikkel Nils M. Sara leaba ovtta kapihttala čallan girjái. Girji lea ovttasbargu gaskkal Lulli-Afrihká, Canada ja Norgga dutkiid.  

Rabasbeaivi 2022

Sámi allaskuvla lágida rabasbeaivvi njukčamánu 1. beaivvi. Mis leat earret eará logaldallamat, stándat ja bargobájit. Mii guossihit maiddái gáfe, herskkuid ja lunša. Bures boahtin!

Okta olmmoš ii sáhte muitalit visot

Okta olmmoš ii sáhte muitalit visot duoji birra, dadjá Gunvor Guttorm go čilge duodje antologiija birra maid son lea doaimmahan ovttas Harald Gaskiin. Nubbi girji mii aitto lea almmuhuvvon lea nammadutkanfáttas man ee. Kaisa Rautio Helander ovttas earáiguin lea doaimmahan.

Neahttaoahpahus ja deaivvadeamit

Dihtet go ahte eanas oahput Sámi allaskuvllas lágiduvvojit neahttaoahpahussan ja deaivvademiid bokte Diehtosiiddas Guovdageainnus?

Matematihkka 1P/2P/1P-Y/2P-Y jus áiggut oahpaheaddjeohppui - áigemearri 1.2.

Vuosttaš allaskuvla mii balvii lea bidjan visot doaimmaid

Sámi allaskuvla lea vuosttaš universitethtasuorggis Norggas mii lea bidjan visot doaimma balvii, ja dan vel dagai buot oktanagas.