golggotmánu 22. beaivi 2015

Vuolgge north2north lonohallamii giđđat 2016!

Dál lea north2north stipeanda ohcanláhkái giđđii 2016 Sámi allaskuvlla studeanttaide ja fágabargiide, go lea báhcán north2north stipeandaruhta mii ferte geavahuvvot giđđalohkanbajis 2016.

OHCANÁIGEMEARRI LEA 28.10.2015.

Don sáhtát vuolgit lonohallamii olles árktalaš guvlui, muhtin universitehtii dahje allaskuvlii olggobealde Norgga mii lea Árktalaš universitehta/ University of the Arctic miellahttu. Miellahttoásahusat leat USA:s/ Alaskas, Kanadas, Ruoššas, Dánmárkkus/ Ruonáeatnamis/ Færsulluin, Islánddas, Suomas ja Ruoŧas. Loga eambbo gosa sáhtát vuolgit, dáppe.

Studeantalonohallan ferte leat gaskkal 6 vahku- 5 mánu. Studeanttat galget sáddet ohcama elektrovnnalaččat, dáppe, Árktalaš universitehta ruovttusiiddus.

 

Fágabargit galget čállit e-boastta lena-susanne.gaup@samiskhs.no, gosa čállet gosa ja goas áigot vuolgit north2north fágabargilonohallamii, ja man guhká áigot jávkat lonohallamis. 

 

Jus háliidat eambbo dieđuid dahje dárbbašat veahki, váldde oktavuođa Lena Susanne Gaupain, telefuvdna 78 44 84 58 dahje e-boasta lena-susanne.gaup@samiskhs.no.