Ođđasat
- Sámi allaskuvla lea ásahišgoahtime sámi AI Lab
- Laila Susanne Vars lea nammaduvvon The International Arctic Science Committee (IASC) lávdegoddái
- Ylva Jannok Nutti oažžu Várdduo dieđalaš bálkkašumi 2023
- Oza giđa 2024 oahpuide
- Stádabušeahtta: Nanne sámi alitoahpahusa
- Sámi logut muitalit 15 raporta lea almmuhuvvon
- Barggat go vai lea go dus beroštupmi bargat dulkan?
- 3D-teknologiijain vejolaš hábmet ođđa oahppofálaldagaid
- Verddeovttasbargu gaskkal Sámi allaskuvlla ja Guovdageainnu suohkana
![Professor Nils Dannemark Bilde av prof. Nils Dannemark. Mars 2018.](https://samas.no/sites/default/files/styles/hovedbilde/public/53fc0c98-8617-4255-b5e1-93596fe93d54.jpeg?itok=7WmAokjK)
Nils Dannemark nammaduvvon ođđa professoran
Sámi allaskuvlla stivra mearridii mannan gaskavahku loktet Nils Dannemark professorin davviriikkalaš gielladiehtagis.
Nils Dannemark lea bargan Sámi allaskuvllas 1996 rájes ja šattai doseantan 2012. Son lea su dutkamisttis earret eará geahččan guovttegielatgeavaheami sámi guovlluin.
- Mearkkaša hui ollu Sámi allaskuvlii ahte mis dál lea ođđa professor min searvvis. Sihke sámi oahpaheaddjeoahpuin, sámegieloahpuin ja muđui dutkamis gáibiduvvo ahte mis lea alimus fágalaš gelbbolašvuohta. Danne lea dát prosessornammadeapmi dehálaš olahus midjiide. Sámi allaskuvlla bealis sávvat hui ollu lihku Nils Dannemarkii, cealká rektor Gunvor Guttorm.
Árvvoštallanlávdegoddi cealká earret eará ahte Dannemark barggut dollet hui alla dási ja ahte son iežas bargguid bokte lea áibbas ođđa bálgáid gállan. Daddjo ahte su barggut leat dego pionearabarggut. Lávdegoddi cealká loahpalaččat ahte Dannemark lea “dárkil, sus lea nanu lingvisttalaš oahppu, iige son guođe bargguid ovdal go dat lea bures kvalitehtasihkkaraston”.
Lávdegottis ledje mielde prof. Tove Bull (Romssa universitehta, jođiheaddji), prof. Lars Anders Kulbrandstad (Høgskolen i Innlandet) ja prof. Jon Todal (Sámi allaskuvla).
![1997 - 10-jagi vuođđoskuvlla sámi oahppoplánat 10-jagi vuođđoskuvlla sámi oahppoplánat almmuhuvvo](https://samas.no/sites/default/files/styles/hovedbilde/public/10-jagivuoddoskuvllasamioahppoplanat31.jpg?itok=gJmOF3FL)
Nils Dannemark gurutbealde. Jagi 1997 gárvánii ja dohkkehuvvui sámi oahppoplána "10-jagi vuođđoskuvlla sámi oahppoplánat". Yngve Johansen govvii.