Ođđasat
- Unique on-line courses on special education
- Sámi álbmotbeaivvi oktavuođas lágideamit olles vahkku
- Ođđa oahppofálaldat sámi mánáidgárdeoahpaheaddjeoahpus
- 2022 Gollegiella bálkkašupmi Ole Henrik Maggai
- Mátkemuitalus sámi vuođđoskuvlaoahpaheaddjeoahpu Kanáda mátkki birra
- Oahpa sámi muitalusaid ovdanbuktit oanehis filbman
- Bargobájit ja kurssat oahpaheddjiide giđđat 2023
- Guhkiduvvon ohcanáigemearri 2023 giđa oahpuin
- Čohkkeje boazosápmelaččaid Sámi allaskuvlii
![Gová: Anne Katja Gaup, Johtti Productions AS Gová: Anne Katja Gaup, Johtti Productions AS](https://samas.no/sites/default/files/styles/hovedbilde/public/field/image/allaskuvla-web-foto_anne_katja_gaup-7_1.jpg?itok=QWxlEJie)
Sisabeassangáibádusat oahpaheaddjeoahpuide leat ložžejuvvon
Leatgo don háliidan lohkat sámi vuođđoskuvlaoahpaheaddjeoahpu, muhto árvosátnegáibádus matematihkas ja váilevaš skuvllačuoggát leat hehtten du? Dán geasi sáhtát liikká ohcat! Mii diehtit Sámis gávdnojit ollu áŋgiris ja čeahpes nuorat ja sámeservodat dárbbaša eambbo oahpaheddjiid.
Sámi allaskuvla ložže sisabeassangáibádusaid matematihkas ja skuvlačuoggáin, ja 20.07. rájes lea fas vejolaš ohcat Sámi oahpaheaddjeohppui ođđa sisabeassangáibádusaid mielde! Áidna árvosátnegáibádus mii doalahuvvo, lea gaskamearalaš árvosátni 3 sámegielas ja dárogielas (ruoŧagielas/suomagielas) oktii.
- Sámegielat vuolggasajis mii ovttas birget ja ovdánit sihke matematihkafágas ja eará fágain. Sámi oahpaheaddjeoahput addet nanu vuođu bargagoahtit sámegielat oahpaheaddjin vuođđoskuvllas 1-7 ja 5-10 cehkiin.
- Mii fállat olu erenomáš ja miellagiddevaš oahpahusfágaid measta vaikko makkár suorggi siskkobealde.
- Lonohallanortnegiid bokte lea vejolaš lohkat fágaid eará ásahusain Norggas dahje olggoriikkas.
Mii ávžžuhit du, gii beroštat sámegielas, sámi servodagas ja árbevirolaš máhtus, gii áŋgirušat mánáid ja nuoraid ovddas ja sámemánáid oahpahusas, ohcat Sámi allaskuvlii vuođđoskuvlaoahpaheaddjestudeantan! Boađe fal min fárrui!
Ohcanáigemearri: 01.09.2024
Fuomáš ahte it sáhte ohcat ovdal 20.07.24 rájes!
Jearaldagat?
Váldde oktavuođa oahppohálddahusain jus dus leat jearaldagat ortnega dahje oahpu birra. Oahppohálddahusa gávnnat ságaide e-poastta bokte: oahppohalddahus@samas.no