Dáhpáhusat:

Njálmmálaš eksámen
10. juovlamánu, 14:00 - 15:30

Sámi vuođđoskuvlaoahpaheaddjeoahpu 1.-7. ceahki mastergrádadutkamuša

Sámi allaskuvlla kandidáhtta/studeanta Jan Ole Klemet Hermansen ovdanbuktá ja bealušta Sámi vuođđoskuvlaoahpaheaddjeoahpu 1.-7. ceahki mastergrádadutkamuša.

Rabas seminára
12. juovlamánu, 09:00 - 13:45

Sámegiella ja sámi girjjálašvuohta

Sámegiela ja sámi girjjálašvuođa doavttirgrádaprográmma lágida rabas seminára Sámi allaskuvllas d

Stivračoahkkin
12. juovlamánu, 09:00 - 15:00

Sámi allaskuvlla stivračoahkkin

konferánsa
25. miessemánu, 11:00 - 27. miessemánu, 11:00

SÁMI OAHPAHUSKONFERÁNSA 2020

Sámi allaskuvla ja Sámediggi Norgga bealde Sámis lágidit gaskariikkalaš oahpahuskonferánsa Sámedikki SáMOS-prošeavtta (Sámi mánát ođđa searvelanjas) olis. Konferánssa ulbmilin lea beassat lonohallat eamiálbmogiid oahpahanvásáhusaid ja buktit oidnosii sámi mánáidgárddiid, skuvllaid ja alitoahpahusa ja maid internationála eamiálbmotoahpahusa vásáhusaid ja muitalusaid. Go iešguđet eamiálbmogat lonohallet vásáhusaideaset, de dat lea doarjjan ja vuođđun eamiálbmot-pedagogalaš filosofiijai, mainna pedagogat, oahpaheaddjit ja dutkit sáhttet ávkkástallat oahpahusas.  Konferánssa fáttát leat:

  • Mánáid ja nuoraid árgabeaivi oahpahusas 
  • Luondu oahppama vuolggasadjin
  • Eamiálbmogiid máhtuid ja gielaid nanosmahttin ja ealáskahttin
  • Eamiálbmogiid  bajásgeassima ja oahpahusa dekoloniseren

Mii bovdet mánáidgárdebargiid, -oahpaheddjiid, ja -eaiggádiid, vuođđo- ja joatkkaskuvllaid ja alitoahpahusaid oahpaheddjiid ja jođiheddjiid sihke dutkiid ja studeanttaid juogadit iežaset dutkama ja oahpahusa. Konferánssas lea vejolaš ovdanbuktit dieđalaš oanehisčállosa (paper), logaldallamiid, čájehit filmmaid ja posteriid, dahje doallat bargobájiid. 

Konferánsagielat leat sámegielat, eŋgelasgiella ja davviriikkaid gielat. Mii hásttuhit sámi logaldalliid buktit ovdan sáhkavuoruset sámegillii.

Sámi mánáidgárde- ja skuvllaoahpaheaddjit, geat dollet ovdánbuktima eai dárbbaš máksit konferánssa divvaga.

Eanet dieđut konferánssa birra: 
https://samas.no/se/a/dutkan/fagalas-lagideamit/sami-oahpahuskonferansa-...

Ovdanbuktinevttohusa abstrávtta sisa addin ja dieđiheapmi konferánsii leat rabas 15. b. juovlamánnui. Jus leat jearaldagat, váldde oktavuođa Ylva Jannok Nuttiin, boasta: ylva.jannok.nutti@samiskhs.no