UiT Norgga árktalaš universitehta sámi buohccedivššároahpu vuosttaš studeantajoavku geargá oahpuin 2024 čavčča, ja loahpahandoalut leat Diehtosiidda, Sáhkaskáiddis disdaga 26.11 dii 12.00-14.00.
Fágaseminára
04. golggotmánu, 11:30 - 16:45
Sámi máŋggabealat mediaseminára
Guovdageainnu Lagasradio (GLR) bovde Sámi máŋggabealat mediaseminárii.
Diehtosiidda Sáhkaskáiddis, Guovdageainnus guovvamánu 4.-5. beivviid 2016.
Dáppe deaivvadit mediaoasseváldit, politihkkarat ja fágačeahpit ságastallat makkár čuolmmat ja vejolašvuođat livčče máŋggabealat sámi mediafálaldaga hárrái.
Sorjjasmeahttun sámi mediat leat dehálaččat sámi demokratiija olis, muhto earenoamážit sámi giela ja kultuvrra čalmmustahttimis ja ovdánahttimis. Sápmelaččat orrut bieđgguid miehtá viiddis guovlluid. Dan dihte leage dárbu ahte máŋga media fállet iešguđet oainnuid ja sátnesajiid.
Dál gávdnojit Sámis máŋga smávva ja sorjjasmeahttun mediafálaldaga main ii leat liseansaruhtadeapmi ja mat eaige oaččo preassadoarjaga. Dát mediat aŋkke barget mávssolaš barggu sámi giela ja kultuvrra ovdánahttimis ja čalmmustahttimis.
Semináras geahčadit ovttasbargovejolašvuođaid ja - čovdosiid mot sáhtašii ávkkástallat vánis sámi mediaresurssaid olles Sámi várás.
Seminára lea rabas buohkaide!
Prográmma
Disdat golggotmánu 4. beaivvi
Gos: Diehtosiiddas
11:30 - 12:30 Boradeapmi
12:30 - 13:00 Rahpan
13:00 - 13:45 Mediamáŋggabealatvuohta ja demokratiija (Eli Skogerbø)
13:45 - 14:15 Sámedikki mediapolitihkka (Henrik Olsen)
14:15 - 14:30 Gáfestallan
14:30 - 15:00 Oarjelsámi lagasradio (Aino Danielsen)
15:00 - 15:30 GLR - ehtára hástaleaddji (Nils Martin Kristensen)
15:30 - 15:45 Gáfestallan
15:45 - 16:45 Panelaságastallan
17:00 - 18:00 GLR studios finadeapmi
19:00- Mállásat (Fuom! Thon Hoteallas)
Gaskkavahkku golggotmánu 5. beaivvi
Gos: Diehtosiiddas
09:00 - 09:30 Sámi jiena ásaheapmi (Nils Johan Heatta)
09:30 - 10:00 Julevsámi nuoraidkanála álggahit (Lars Theodor Kintel)
10:00 - 10:30 Digitaliseren (Eivind Engberg)
10:30 - 10:45 Gáfestallan
10:45 - 11:45 Panelaságastallan / buohkaide sátnesadji
11:45 - 12:00 Loahpaheapmi
12:00 - 13:00 Boradeapmi
|
|
Eli Skogerbø lea Oslo universitehta professora medias ja gulahallamis. Son lea njunuš čeahppi sámi mediaid hárrái. Dasa lassin dutká ja oahpaha earret eará mediapolitihka ja politihkalaš gulahallama, mediainnovašuvnna, sosiála mediaid ja interneahttaovdáneami, báikkálaš mediaid ja mediadiehtaga. |
|
|
Henrik Olsen lea sámediggeráđđi gean ovddasvástádus lea kultuvra ja dearvvašvuohta. Son lea gáivuotnalaš, ja lei earret eará mielde vuođđudeame Riddu Riđu álgoálbmotfestivála. |
|
|
Aino Danielsen lei Nea Radio oarjelsámegielat sáddagiid vuosttaš jietna go álggahuvvoje 2015s. Dál barga Plassje oarjelsámi mánáidgárddis. Son lea iežas buolvvas vuosttažiid searvvis geas lea oarjelsámegiella vuosttašgiellan iežas guovllus. |
|
|
Nils Martin Kristensen lea Guovdageainnu Lagasradio redaktevra ja dán seminára lágideaddji. Son lea leamaš redaktevran dan rájes go GLR álggahuvvui 1991s, earet oanehis botta go lei eret. |
|
|
Nils Johan Heatta lei NRK Sámi redaktevra ja direktevra diimmá rádjái. Su hálddu vuolde ásahuvvui sierra sámi divišuvdna NRKii, mii dál lea okta Davvi-Norgga ja álgoálbmotmáilmmi njunuš mediaásahus. Dál bargá NRK Sámi kommeantatuvran. |
|
|
Lars Theodor Kintel vuođđudii Nuoraj TV mii lea sierra tv-fálaldat interneahtas julevsámi nuoraid váste. Son lea njunuš sámi innovašuvdnačeahppi guhte mannan geasi galledii Stanford University USAs Davvi-Norgga ambassadevraprográmma ovddasteaddjin. |
Praktihkkalaš dieđut
Idjadeapmi: Thon Hotell Kautokeino
Mátki: Iežas biillain, bussiin dehe girdiin Álttá bokte. Mii veahkehit Álttás beassat Guovdageidnui.
Gažaldagat: Johan Ailo Kalstad, 952 45 568, johanailo@jakalstad.no
Nils Martin Kristensen, 412 44 053, nilsmartin@glr.no
