Referánsaráiddut
Go áiggut bidjat akademalaš teavsttaide referánssaid, de fertet leat hui dárkil detáljaiguin. Danin dát bargu sáhttá leat áddjás bargu, erenoamážit jos čálát guhkit teavstta ja/dahje geavahat olu gálduid. Álkidan dihte dán barggu sáhttá leat ávkkálaš geavahišgoahtit dihtorprográmma mii lea hábmejuvvon teaksta dokumeanttaid referánssaid gieđahallamii.
Gávdnojit máŋggalágan referánsahálddašanreaiddut. Girjerájus fállá kurssa ja geavaheaddjidoarjaga EndNote-prográmmas.
EndNote
EndNote lea reaidu mainna vurket ja čorget referánssaid maid sáhtát atnit akademalaš teavsttain. Don sáhtát ieš registreret referánssaid dahje viežžat dáid iešguđet dáhtabásain. Go referánssat leat vurkejuvvon EndNote:i, de sáhtát dáid atnit go čujuhat, ja go ráhkadat gáldolisttu Wordas.
Zotero
Zotero lea nuvttá referánsareaidu sihke Windows- ja Mac dihtoriidda.
Reaidduin čohkket gálduid neahttasiidduin ja dáhtabásain, ja sáhtát atnit dáid go leat čállime Wordas.
Zotero veahkeha bidjat čujuhusaid rievttes hámis tekstii, ja ráhkada maid gáldolisttu dokumentii.
Zotero synkroniserejuvvo neahttavuorkkáin, ja dalle olahat gálduid doppe gos barggat.
Lea maid vejolaš eksporteret EndNote-vuorkká Zotero-vuorkái.
Reaiddu ja eambbo dieđuid gávnnat dás: Zotero
FUOM: Girjerájus ii fála veahki dehe bagadallama Zotero-geavaheddjiide.
Word
Word 2007:as ja ođđaseappot veršuvnnain lea maid referánsafunkšuvdna. Dán lea vejolaš atnit smávit bargguide, muhto das eai leat liika ollu vejolašvuođat go EndNote:s ja Zoteros.
Lea vejolaš eksporteret gálduid maid leat čohkken Word:n EndNote:i.
Microsofta veahkkesiidduin gávnnat eambbo dieđuid dán birra.
FUOM: Girjerájus ii fála veahki dehe bagadallama Word:ain.