EndNote
EndNote-prográmmain ráhkadat vuorkká gos sáhtát registreret ja organiseret buot iežat referánssaid. Don sáhtát ieš registreret gáldočujuhusaid dahje ieš sisafievrridit daid elektruvnnalaš diehtovuođuin, nugo Oria, EBSCO dahje Web of Science. Sáhtát maid vurket pdf-fiillaid du EndNote-girjerádjui, ovdamearkka dihte vižžon dieđalaš artihkkaliid, e-girjjiid kapihttaliid ja elektrovnnalaš aviisaartihkkaliid.
Referánssaid maid leat registreren EndNote: as, sáhtát bidjat teavstta sisa Word-dokumeanttaide Cite mens You Write -funkšuvnna bokte. Go bijat gáldočujuhusa tekstii, de lasihuvvo ollislaš čujuhus automáhtalaččat dokumeantta loahpas čujuhuslistui, mii sihkkarastá oktavuođa gaskal ovttaskas čujuhusa teavsttas ja čujuhusa čujuhuslisttus.
EndNote vuorkká sáhtát maid synkroniseret neahttavuorkkáin jus ráhkadat konttu EndNote Web:i.
Geahča láidehusa EndNote Online kontu - láidehus vuollelis.
Váldde oktavuođa girjerádjosiin jus dárbbahat eanet dieđuid EndNote birra.
Ovdal go sáhtát váldit atnui EndNote, de ferte prográmma installerejuvvot du dihtorii. Dasa oaččut veahki IT-ossodagas: support@samas.no.
EndNote:ii referánsastiillat (Output Style)
Láidehusat
EndNote Web
EndNote gávdno maid neahttaveršuvnnas dás