Dáhpáhusat:

Fágabeaivvit
22. cuoŋománu, 08:00 - 23. cuoŋománu, 15:00

Sámi pedagogalaš fágabeaivvit

Visot Sámi allaskuvlla seminárat ja konferánssat mat lágiduvvot dán mánus gitta geassemánnui maŋiduvvojit. Eanet dieđut bohtet dán birra.

Symposia
03. Geassemánnu, 08:00 - 04. Geassemánnu, 16:00

Sámegiela ja girjjálašvuođa symposia

Sámegiela ja sámi girjjálašvuođasymposia mii galggai lágiduvvot Sámi allaskuvllas geassemánu 3. ja 4. b. 2020 lea našunála corona-virusa eastadeami doaibmabijuid geažil maŋiduvvon. Lágidanjoavku ovttasráđiid Sámi allaskuvlla jođihangottiin máhccá ođđa dieđuiguin go dilli čielgá.

konferánsa
27. golggotmánu, 09:00 - 29. golggotmánu, 15:30

SÁMI OAHPAHUSKONFERÁNSA 2020

Sámi oahpahuskonferánsa 2020 lea našunála koronavirusa eastadeami doaibmabijuid geažil maŋiduvvon čakčii. Plánejuvvon áigi doallat konferánssa lea golggotmánu 27.b. -29.b. 2020. Mii šállošit liigebarggu ovddas ja lágidanjoavku máhccá ođđa dieđuiguin jus ođđa plánejuvvon áigemearri rievdá.

Seminára
22. ođđajagemánu, 18:00 - 20:00

Sámepolitihka rájit

Gii lea “siskkobealde” ja “olggobealde” sámi servodagas ja sámi politihkalaš vuogádagas Norggas? Man muddui biddjojuvvojit rájit sin gaskkii geat fátmmastuvvojit sámi servodathuksemii ja sámi politihkkii, ja sin geat leat olggobealde.

Dutkanprošeakta “Sámepolitihka rájit”, máid Norgga Dutkanráđđi lea ruhtadan, lea iskan iešguđet dási gullevašvuođa “sámi áššiide”, ja dál gaskkutuvvojit prošeavtta gávdnosat buohkaide geain lea beroštupmi čuovvut sámepolitihka ja sámi identitehta áššiid.

Sámi allaskuvlla dutki Torunn Pettersen lea mielde dutkanprošeavttas, ja logaldallá lágideamis Oslo Sámi viesus máid Institutt for samfunnsforskning lágida ođđajagimánu 22.b. dii 18-20.