Dáhpáhusat:
Paintball studeanttaide
LEAT GO GEARGGUS SPEALLAT PAINTBALL?
Studeantaáittardeaddji Diehtosiiddas
Min studeantaáittardeaddji Torill Varberg lea Guovdageainnus 09.-11.09.24.
Dutkančuolmmat
Doavttergrádastudeanttat ovdanbuktet dutkančuolmmaid Sámi allaskuvllas.
Giellaealáskahttin
Bargobájit Unjárgga gielddas: Giellaealáskahttin gullevaš doaimmat
Rabasbeaivi 2022
![](https://samas.no/sites/default/files/styles/hovedbilde/public/event/images/animated_black_friday_facebook_event_cover_.png?itok=ZIcqvKPV)
Leat go jurddašan iežat boahtteáiggi birra? Oahppu lea okta vejolašvuohta!
Sámi allaskuvla lágida rabasbeaivvi njukčamánu 1. beaivvi. Rabasbeaivi lea buorre vejolašvuohta oahpásnuvvat Sámi allaskuvlii, min oahppofálaldagaide ja movt lea leahkit studeantan Sámi allaskuvllas. Searvva don ge!
Praktihkalaš dieđut rabasbeaivvi birra:
Dán jagi lea rabasbeaivvi lágideapmi juhkkon guovtti oassái. Vuosttaš oassi prográmmas čađahuvvo Sáhkaskáiddis (Diehtosiidda auditorias), gos earret eará leat logaldallamat čavčča oahppofálaldagaid birra. Sisdoallu lea heivehuvvon joatkkaskuvlaohppiide ja bajásguvlui. Logaldallamat gaskal dii. 10:00 - 12:00 streamejuvvojit. Streamenliŋka vuosttaš oassái: SamasLive - Twitch
Nuppi oasis, maŋŋel oktasaš lunša, galget oasseváldit joavkkuid mielde fitnat iešguđet bargobájiin ja stándain Diehtosiiddas. Oasseváldit juhkkojit joavkkuide ivnniid mielde ja juohke joavkkus lea okta láidesteaddji. Oahpposuorggit sámi oahpaheaddjeoahput, duodji, boazoealáhus ja sámegiella ja sámi girjjálašvuohta lágidit iešguđet workshopaid mat leat heivehuvvon joatkkaskuvlaohppiide ja bajásguvlui. Rabasbeaivi loahpahuvvo Diehtosiidda kantiinas, gos earret eará juohkit vuoittuid.