Ođđasat
- Ohcanáigemearri allaskuvladirektevravirgái lea guhkiduvvon
- Gárve iežat oahpaheaddjeoahpu kvalifiserenortnega bokte!
- Sámi allaskuvla ohcá direktevrra
- Šatta ofelažžan - Sjatta oahpestiddjen - Tsïegline sjïdth!
- Sámi buohccidivššároahppu – don sáhtát váikkuhit makkár sisdoallu galggašii
- Guhkiduvvon ohcanáigemearri čavčča 2021 oahpuide!
- Háliidat go bargat studeanttadoaimmaiguin ja seammás diinet ruđa? De geahčes deike!
- Ohcanáigemearri oahpuide láhkonišgođii
- Studeanttaid sisabeassan Diehtosiidii 29.03-12.04
![](https://samas.no/sites/default/files/styles/hovedbilde/public/field/image/amg.jpg?itok=K2qypaNn)
Ođđa direktevra sajis juovlamánu rájes
56- jahkásaš Anne-Marie Gaino, Guovdageainnus eret, lea virgáduvvon Sámi allaskuvlla ođđa direktevran. Allaskuvlla stivra lea su virgádan bistevaš allaskuvlladirektevravirgái, ja son álgá bargui juovlamánu 1.b. 2021.
Anne-Maries lea 25 jagi jođiheaddjevásáhus. Son lea bargan ekonomiijahoavdan Guovdageainnu suohkanis, sadjásaš ráđđeolmmájin sihke Guovdageainnus ja Vestvågøy suohkanis (Lofuohta), ráđđeolmmájin Ráissa suohkanis ja dál bargá jođiheaddjin Norgga Sámedikki ealáhusjuhkosis. Son lea sivilekonoma ja sus lea masteroahppu jođiheamis.
Dálá direktevra Johan Ailo Kalstad luohpá Sámi allaskuvllas ja álgá NRK Sámi direktevran čakčamánu 1.beaivvi rájes.
Mikkel Anders Kemi, gii dál lea allaskuvlla ekonomiijaossodaga jođiheaddji, galgá doaibmat direktevran dassážii ođđa direktevra álgá.