Dáhpáhusat:

Dutkanbeaivvit Sámi Allaskuvllas
22. čakčamánu, 08:00 - 03. golggotmánu, 22:00

Dutkanbeaivvit Forskningsdagene 22.09. – 03.10.2021

Dáppe gávnnat dieđuid ja Zoom liŋkkaid Dutkanbeaivvi lágidemiide maid Sámi allaskuvla lágida.

Conference
28. čakčamánu, 08:00 - 29. čakčamánu, 18:00

Indigenous Journalism and Self-determination

Sámi University of Applied Sciences/Sámi Allaskuvla cordially invites scholars, students, journalists and members of the public to an online conference Indigenous Journalism and Self-determination, September 28–29, 2021.

konferánsa
05. golggotmánu, 12:00 - 07. golggotmánu, 15:30

SÁMI OAHPAHUSKONFERÁNSA 2021

FUOM! Sámi oahpahuskonferánsa 2020 lea našunála koronavirusa eastadeami doaibmabijuid geažil maŋiduvvon čakčii 2021. Mearriduvvon áigi doallat konferánssa lea golggotmánu 5.b. -7b. 2021, 5.10.-7.10.2021

Rabas dutkanseminára
29. golggotmánu, 10:00 - 12:00

Mánáid giella ja jurddašeapmi II

Dutkanprošeavtta Epistemalaš modalitehta mánáid ehtalaš ja morálalaš árvvoštallamis loahpahanseminára Mánáid giella ja jurddašeapmi II lágiduvvo Romssas 29.10.2021. Seminára sáhttá maid čuovvut interneahtas.

Konferánsa
24. skábmamánu, 09:30 - 25. skábmamánu, 09:30

Sámi mánáidgárdekonferánsa 2021

Sámi lohkanguovddáš, Sámi allaskuvla ja UiT Norgga árktalaš universitehta lágidit ovttas Tromssa ja Finnmárkku stáhtahálddašeddjiin Sámi mánáidgárdekonferánssa Diehtosiiddas Guovdageainnus 24.11.-25.11.2021.

Rabas dutkanseminára
29. golggotmánu, 10:00 - 12:00

Mánáid giella ja jurddašeapmi II

Govva: Disainari / Tanja Sanila

Dutkanprošeavtta Epistemalaš modalitehta mánáid ehtalaš ja morálalaš árvvoštallamis loahpahanseminára Mánáid giella ja jurddašeapmi II lágiduvvo Romssas 29.10.2021.

Dán máŋggadieđalaš prošeavttas mii gullá sihke gielladiehtagii, filosofiijai, pedagogihkkii ja girjjálašvuođadiehtagii, leat guorahallan mánáidgárde- ja skuvlamánáid giellageavaheami ja ehtalaš ja morálalaš jurddašeami. Leat čielggadan movt viđa–čiežajahkásaš mánát dulkojit ja árvvoštallet ehtalaš gažaldagaid, ja movt dát árvvoštallan boahtá ovdan sin gielas. Leat maid guorahallan makkár gielalaš vugiiguin mánát almmuhit epistemalaš ja evidentiála modalitehta.

Semináras ovdanbuktojuvvojit prošeavtta bohtosat ja eará áigeguovdilis dutkamušat sihke mánáid ja nuoraid giela ja jurddašeami birra. 

Sáhkavuorut eai dulkojuvvo eará gielaide.

Jus háliidat searvat seminárii, de sádde e-boastta dása: johannai@samas.no. Atte dieđu háliidat go boahtit fysalaš semináralatnjii vai searvvat go digitálalaččat.

​Fuomáš ahte koronadili geažil sáhttet boahtit ráddjehusat gallis ožžot leat fysalaš semináralanjas. Dat geat oassálastet digitálalaččat, ožžot semináralanja liŋkka ovdal seminára. 

Dieđihanáigemearri: 8.10.2021

Oktavuođaolmmoš:
Johanna Johansen Ijäs, johannai@samas.no, tlf. +47 78 44 85 19.

Lágideaddjit:
Sámi allaskuvla
UiT Norgga árktalaš universitehta
Ubmi universitehta

 

Prográmma 

10.15–10.30
Seminára álggaheapmi
Mánáid giela ja jurddašeami guorahallan muitalusaid bokte skuvllain ja mánáidgárddiin
Johanna Johansen Ijäs
 
10.30–11.00
Muitalanárbevieruin oaččuhit dutkanmateriála
Ánte Mihkkal Gaup
 
11.00–11.30
Dutkanbargu ovttas oahpaheaddjeoahpuiguin – studeanttaid jurdagat
Pigga Keskitalo
 
Boddu

12.30–13.00
Bamse-bláđđi ja kollektiiva morálačállin – fuomášumit čállinbargobájis
Hanna-Máret Outakoski
 
13.00–13.30
Guovtte- ja golmmajahkásaš mánáid guhkimus cealkagat
Biret Ánne Bals Baal

13.30–14.00
(Sáhkavuoru bajilčála almmuhuvvo maŋŋel)
Kristine Bentzen

Boddu

14.30–15.00
Movt mánáid ehtalaš árvvoštallamat bohtet ovdan mánáid giellageavaheamis?
Nils Oskal

15.00–15.30
Na boastut, muhto dat soaitá leat riekta – Epistemalaš ja evidentiála modalitehta mánáidgárde- ja skuvlamánáid gielas
Johanna Johansen Ijäs

15.30–16.00
Ságastallan ja loahpaheapmi

Báiki: UiT Norgga árktalaš universitehta, Romsa. Semináralatnja almmuhuvvo maŋŋel dás: https://manaidgiella.weebly.com/manaid-giella-ja-jurddaseapmi-ii.html.


Fuomáš ahte prográmma sáhttá rievdat!

 

Ođastuvvon 20.09.2021