Dáhpáhusat:

Dutkanbeaivvit 2020
21. čakčamánu, 18:00 - 18:45

Fihttet ja hutkat duddjodettiin

Sáhttágo hállat hutkáivuođas go lea sáhka duojis ja erenoamážit árbevirolaš duojis?

Dutkanbeaivvit 2020
22. čakčamánu, 18:00 - 18:45

"Mun in jáhke dat lea riekta" - mánáid vuogit almmuhit (eahpe)sihkarvuođa

Mánát ohppet máŋggalágan gielalaš áššiid juo unnin.

Dutkanbeaivvit 2020
23. čakčamánu, 18:00 - 18:45

Sikre tall? / Sihkkaris logut?

Pandemitall og urfolk - noen datatufordringer.

Álggahanvahkku / Welcome Week
25. borgemánu, 12:00 - 14:00

Loahpahandoalut ja konsearta

Loahpahandoalut 2019s. Govven Mai-Lis Eira.

Dii. 12:00- 14:00, Sáhkaskáiddis

Sámi allaskuvllas gárvejedje olu studeanttat grádaid 2019-2020 oahppojagi. Korona dilálašvuođa geažil maŋideimmet loahpahandoaluid čakčii. Disdaga juohkit kandidáhtaide diplomaid ja herskkostallat gáhkuin. Bovdehus sáddejuvvo kandidáhtaide. Maŋŋel sáhkavuoruid doallá Emil ja Lávre konsearta.

 

Prográmma 25.08.2020 dii 12.00-14.00 Diehtosiiddas, Sáhkaskáiddis:

Bures boahtin oahppohoavdda Áila Márge Varsi Balto bokte

Rektor Laila Susanne Vars sáhkavuorru

Diplomajuohkin studeanttaide goahtejođiheddjiid bokte

Guoimmuheapmi

Oktasaš govven ja guossoheapmi Diehtosiidda kantiinnas

Geahčá ZOOM neahttaoktavuođa bokte: https://samas.zoom.us/j/61593967813?pwd=Tk1wVE11N3p2Q2hxUEpFdEVVemwxZz09

Beassansátni: SAMAS
Meeting ID: 615 9396 7813
One tap mobile
+4773494877,,61593967813#,,,,0#,,329227# Norway
+4723960588,,61593967813#,,,,0#,,329227# Norway

 

EMIL JA LÁVRE

Emil Karlsen (22) ja Lávre Johan Eira (19) lea ođđa musikálalaš ovttasbargu Sámis. Soai leaba dál bargamin skearruin mii govahallá niehkomáilmmi doložis ja dálá áiggis.

Máŋgasat dovdet Karlsena lávlun Resirkulert-joavkkus. 2019:s nammaduvvui Karlsen Riddu Riđđu nuorra dáiddárin. Maŋimuš jagi lea Karlsen earet eará tulkon Áillohaš-rohkki lávlagiid ja lea čiekŋudan luohtái, ja erenomážit mearrasámi luohteárbevirrui.

Lávre Johan Eira (19) lea Guovdageainnus eret ja lea beaggán iežas musihkain maŋimuš jagi. Diibmá son čuojahii Guovdageainnu Beassášmárkanin eará nuorra sámi artisttaiguin. Lávre almmustahtii šuoŋa Beaivenieida 2019:s.

 

Fuom!

  • Korona dilálašvuođa dihte fertet mii lágidit doaluid struktuvrralaččat, ja danne lea dehálaš ahte bovdejuvvon guossit vástidit searvet go loahpahandoaluide. Mii eat sáhtte dáhkidit ahte beasat searvat doaluide jus it leat dieđihan. Vástidanáigemearri lea 20.08.2020.

  • Earáin lea nai vejolašvuohta geahččat loahpahandoaluid, go doalut čájehuvvojit eará lanjas Diehtosiiddas neahttaoktavuođa bokte. Dása ferte dieđihit ovdal 20.08.2020, e-boastačujuhussii oahppohalddahus@samiskhs.no.