Ođđasat
- NAISA 2024
- Gietkkama ja wahakura kultuvrralaš mearkkašumi ovdanbuktán stuora dáiddačájáhusas
- Váikkuhusat Sámi allaskuvlii go 27 bargis lea bargoheaitta
- Harald Gaski nammaduvvon gudnedoavttirin
- Rabas virggit
- Lovisa Mienna Sjöberg válddii vuostá dutkanbálkkašumi Uppsalas
- Guovttegielatiskkadeapmi giđđat 2024
- Ohcciidlogut oahpaheaddjeoahpuide
- Ođđa raporta čájeha ahte lea dárbu sámi parallealla seammaárvosaš oahppoplánii matematihkas
![](https://samas.no/sites/default/files/styles/hovedbilde/public/field/image/karen_inga_eira_lohkanguovddaza_jodiheaddji_2.jpg?itok=oYTGRQwX)
cuoŋománu 04. beaivi 2022
Kvalitehtaovdánahttin skuvllas - lávdegoddi nammaduvvon
Ráđđehus lea nammadan lávdegotti mii galgá čielggadit geahččalemiid ja raporterengáibádusaid ja duođaštusaid mat adnojit skuvllas. Dan almmolaš lávdegotti buoridanevttohusat galget leat veahkkin skuvllaide go galget bargat eambbo systemáhtalaččat ovdánahttit kvalitehta skuvlafálaldagas.
Sámi Lohkanguovddáža jođiheaddji Karen Inga Eira lea nammaduvvon lahttun lávdegoddái, man professor Tine Sophie Prøitz galgá jođihit. Lávdegottis leat oktiibuot 11 lahtu.
Lávdegoddi galgá ovddidit Norgga Almmolaš Čielggadeami guovtti oasis:
- Okta oassi mii čilge dálá vuogádaga nanu beliid ja hástalusaid. Dat oassi galgá geigejuvvot ráđđehussii álggugeahčen 2023.
- Váldooassi mas evttohuvvojit rievdadusat. Dat oassi galgá geigejuvvot čakčat 2023.