Sámi allaskuvla lea dutkan, mo nuorra sápmelaččat, geain lea gullevašvuohta boazodollui,
Dáhpáhusat:
Lanseringsseminar
04. Geassemánnu, 12:00 - 16:00
Vásihan rasismma nuorra sápmelaččaid gaskkas boazodoalus.
Conference
14. golggotmánu, 10:30 - 16. golggotmánu, 13:00
IndigMEC2 konferánsa
Konferánssa fokus: Eamiálbmogiid oahppoplánaovddideapmi – Eamiálbmogiid giela ja
Dánsunčájálmas
15. borgemánu, 18:00 - 18:45
The Homeless // Elisabeth Blind // nuvttá
Elisabeth Heilmann Blind doallá dánsun čájálmasa duorastaga 15 b. borgemánus dii. 18:00-18:45 sáhkaskáiddis, diehtosiiddas. Čájálmas lea nuvttá ja rabas buohkaide.
Elisabeth Heilmann Blind lea Ruonáeatnamis eret, muhto lea orron davvi-Ruoŧas 30-jagi. Son lea neavttár ja máskadánsejeaddji. Máskadánsun lea árbevirolaš inuihta dánsun mas máskkat dahje hámut balddihit ovttas jienaiguin. Son lea earret eará doallán čájálmasa Riddu Riđđus, ja lea maid bargan neavttáriin Giron Sámi Teáhteris.
The homelesss
Noaidi Meqqu lea eret smávva gilážis oarjjabealde Ruonáeatnamis. Son lea ožžon gohččuma vuolgit eallima mátkái dán stuora máilbmái. Su bargu lea viežžat ruovttoluotta láhppon sielu maid muhtun nuorra bárdni lea massán.
Mátkkis manná juoga boastut. Son lea fáhkka dánskka giddagasas 1978-logus. Dán seammá lanjas gullá muhtun nuorra bárdni.
Dát dáiddabihttá lea persovnnalaš muitalus go ii mana nugo galgá eallimis ja go billistat iežat ovdii ja birrasii. Seammás nagodat lihkká eallit viidáset dán eallima mii lea meinejuvvon.
Dát lea fikšuvnna muitalus, muhto lea inspirerejuvvon Elisabetha vásáhusaiguin ja buolvvas bulvii otná beaivái Ruonáeatnamis.
“The Homeless” lea čájálmas mas Heilmann Blind dánsu, ja bihtás lea scenografiija ja čuovgadesigna mii addá miellalági.
Idea ja muitalusa hábmen: Elisabeth Heilmann Blind
Dánsejeaddji: Elisabeth Heilmann Blind
Koreografiija: Ada Einmo Jürgensen
Musihkka hábmen: Tuomas Rounakari
Angerlarsimarffeqanngitsoq luohti: Lars Henrik Blind
