Ođđasat
- Ohcanáigemearri allaskuvladirektevravirgái lea guhkiduvvon
- Gárve iežat oahpaheaddjeoahpu kvalifiserenortnega bokte!
- Sámi allaskuvla ohcá direktevrra
- Šatta ofelažžan - Sjatta oahpestiddjen - Tsïegline sjïdth!
- Sámi buohccidivššároahppu – don sáhtát váikkuhit makkár sisdoallu galggašii
- Guhkiduvvon ohcanáigemearri čavčča 2021 oahpuide!
- Háliidat go bargat studeanttadoaimmaiguin ja seammás diinet ruđa? De geahčes deike!
- Ohcanáigemearri oahpuide láhkonišgođii
- Studeanttaid sisabeassan Diehtosiidii 29.03-12.04
![](https://samas.no/sites/default/files/styles/hovedbilde/public/field/image/img_0228_0_0.jpg?itok=RnSIdnmT)
Guhkiduvvon áigemearri sáddet abstrávtta
Áigemearri sáddet abstrávtta Sámegiela ja sámi girjjálašvuođa symposiai lea guhkiduvvon borgemánu 13. beaivái. Sámi allaskuvla, Oulu universitehta Giellagas-instituhtta, Ubmi universitehta ja UiT Norgga árktalaš universitehta lágidit Sámegiela ja sámi girjjálašvuođa dutkan- ja bagadallansymposia Guovdageainnus Diehtosiiddas 22.–23.9.2021. Mii bovdet buot sámegiela ja sámi girjjálašvuođa dutkiid ja studeanttaid juogadit iežaset dutkama.
Jus háliidat ovdanbuktit du dutkanbarggu, sádde abstrávtta dahje oanehis ovdanbuktima čilgehusa sisa. Abstrákta galgá sisttisdoallat bajilčállaga, ulbmila ja oanehis čilgehusa. Guhkodat galgá leat 200-300 sáni. Konferánssa lávdegoddi árvvoštallá buot abstrávttaid ja gávdná daidda heivvolaš saji konferánssa prográmmas.Symposia lea hybridaseminára ja dasa lea maiddái vejolaš searvat neahta bokte.
Sádde ovttasiidosaš čoahkkáigeasu (abstrávtta) čujuhussii sagi2021@samas.no.
Eanet dieđuid sympiosa birra gávnnat dáppe.