Etnešguovttos: Konsearta kantiinnas 16.08.23

Govven: Olena Hætta

16.08.23 rahppo Sámi allaskuvlla skuvlajahki 2023-2024 almmolaččát Diehtosiiddas. Dan mii ávvudit dearvvuođaiguin, sáhkavuoruiguin, lunššain ja guoimmuhemiin!

Dán jagi leat ožžon čeahpes juigiid min guoimmuhit. Etnešguovttos leaba Bella Inger Márjá ja su nieida, Sárá Gáren Ánne, ja leaba Guovdageainnus eret. Inger Márjá Nilut lea guhká leamaš juoigi, Sárá Gáren Ánne lea nuorra juoigi. Soai leaba goappašagat bajásšaddan birrasis gos luohti lei oassin árgabeaivvis, ja viežžaba inspirašuvnna luohteárbbis.

Buohkat leat bures boahtin boahtit konsertii! Konsearta álgá sullii dii. 11.40.