Abstrákta dieđiheapmi
Njuolggadusat čálliide
Konferánsa vuostáiváldá papers ja plakáhtaid eamiálbmogiid matematihkkaoahpahusa dutkama birra. Mii ávžžuhit čálliid guorahallat konferánssa ulbmiliid háhkat eanet dieđuid. Empiralaš, teorehtalaš ja ovddideaddji čállagat leat bures boahtin; guorahallamat, áicandutkamušat, etnográfalaš, eksperimentála dahje kvasi-eksperimentála dutkosat, case-dutkosat. Viiddiduvvon abstracta/čoahkkáigeasu mearri lea gaskal ovtta ja guovtti siiddu Times New Roman sturrodat 12. Plakáhtat galget leat gaskal bealle ja olles siiddu. Referánssat sturrodagas APA7 referánsavuohki ferte čuvvojuvvot. Áigemearri sáddet sisa lea miessemánu 21. beaivi 2024. Sádde deike: indigmec2024@samas.no
Viiddiduvvon abstrákta galgá leat čállojuvvon eaŋgalasgillii dahje davvisámegillii.
Juohke viiddiduvvon abstrákta berre sisttisdoallat:
- Čilgehus barggu fokusis: Makkár gažaldat dahje váttisvuohta guorahallojuvvo
- Čujuhus teorehtalaš rámmai (dahje teorehtalaš konstrukšuvnnaide mat geavahuvvojit) dieđihuvvon dutkamis, oktan čujuhusaiguin guoskevaš girjjálašvuhtii
- Čujuhus metodologiijai mii lea geavahuvvon (oktan váttisvuođaiguin, mihttomeriin ja/dahje dutkangažaldagaiguin; eavttut oasseváldiid dahje lávdegottiid válljemii; dieđuid čohkkenreaiddut ja bargovuogit; analiisabargovuogit)
- Čujuhus dieđalaš ja kultuvrralaš kontekstii mas dutkkus lea vuođđuduvvon (čilge dehálaš navdimiid ja dutkamuša relevánssa kultuvrralaš vuolggasajis
Prográmmalávdegoddi guorahallá buot sisasáddejuvvon čállosiid. Čállit geat ovdanbuktet iežaset barggu konferánssas, bovdejuvvojit sáddet ollislaš papera/čállosa konferánssa maŋŋá, proceedings. Konferánssa maŋŋá: buot sisasáddejuvvon papers (áigemearit almmuhuvvojit maŋŋá) mannet rabas árvvoštallanproseassa čađa, mas sii geat leat sádden sisa čállosa bivdojuvvojit árvvoštallat ovtta dahje guokte eará čálliid čállosa. Árvvoštallanproseassa njuolggadusat ilbmet konferánssa neahttasiidduin. Prográmmalávdegoddi meannuda plakáhtaevttohusaid. IndigMEC2 konferánsačállosat almmuhuvvojit Journal of Mathematics and Culture-áigečállaga sierra prentehusas.
Oahpaheddjiid ovdanbuktimiid njuolggadusat
IndigMEC2:s galgá leat sáhka álgoálbmogiid matematihkkaoahpahusas, ja álgoálbmot oahpaheaddjit leat erenoamážit bures boahtin. Mii ávžžuhit oahpaheddjiid geahčadit konferánssa ulbmiliid vai ožžot dieđuid makkár ovdanbuktinfáttát sáhtáše heivet konferánsii. Sii geat háliidit searvat, fertejit sáddet sisa čoahkkáigeasu (extended abstract) mas válddahallet iežaset barggu. Rádji čoahkkáigeassinteavsttas lea okta siidu Times New Roman sturrodat 12. Referánssaid sáhttá čállit 10 sturrodagain. Teaksta ferte čállot man nu sámegillii, dahje dárogillii, ruoŧagillii dahje eŋgelasgillii. Ovdanbuktimat galget leat juogo sámegillii, kveanagillii dahje eŋgelasgillii. Buot sisasáddagat mannet árvvoštallanproseassa čađa. Mii ávžžuhat din čuovvut njuolggadusaid go ráhkkanahttibehtet čoahkkáigeassinteavsttaid. Teaksta galgá sisttisdoallat
- Čilget mii lea barggu fokus
- Čujuhit mii lea barggu guoskevašvuohta konferánssa fáttáide
- Muhtun sánit dan kultuvrralaš konteavstta birra mas bargu čađahuvvo
- Loahppasánit dahje loahppajurdagat mas boahtá ovdan mii lea dehálaš barggus.
Sisasáddenáigemearri oahpaheddjiid teavsttaide lea čakčamánu 1. b. 2024.
