Álggahanvahkkuprográmma 2022

Mánnodat. 22.beaivi borgemánus

Bures boahtin ja diehtojuohkin 
Dii 09.00-11.00, Sáhkaskáiddis 
Rektor sávvá bures boahtima ja lágiduvvojit diehtojuohkimat studeanttaide. Sáhtát maiddái searvat ZOOM neahttaoktavuođa bokte. Liŋkka álmmuhuvvo ruovttusiidui “Dáhpáhusaid” vuollái. Dása gánnáha searvat go leat ollu praktihkalaš dieđut mat bohtet ávkin maŋŋel. 

Oahpásnuva campusiin 
Dii. 11.00-11.30, Diehtosiiddas 
 

Oahpásnuvvanlunša 

11.30-12.00, Kantiinnas 

Studeanttaide guossohuvvo lunša kantiinnas. Lágiduvvo quizza studeantastivrra bealis.  

Guovdageainnu tour 
Dii. 16.00- Tuvra márkanbáikkis, ulbmil oahpasnuvvat márkanii ja Guovdageainnu fálaldagaide.  

Disdat, 23 beaivi borgemánus

Min oahpporeaiddut (Canvas, Timeedit, Wiseflow) 
Dii. 09.00-09.45, Sáhkaskáidi
Min studeantta Janita Känsälä čájeha min oahpporeaidduid nu go digitála luohkkalanja, dibmoplánareaiddu ja eksamenvuogádaga.  

Kursa  
10.00-11.30 
Eanet dieđut bohtet

Pizzaeahket ja Lounge Sápmi 
Dii. 17.30-  
Studeanttat deaivvvadit PitStopas borrat pizza ja vulget fárrolaga Lounge Sápmi báikái. Guoimmuheapmi doppe álga dii 19.00.  

 
Gaskavahkku, 24.beaivi borgemánus
 

Almmolaš rahpandoalut ja konsearta 
Dii. 10.00-13.00, Sáhkaskáiddis ja kantiinnas 
 
Sámi allaskuvla rahppo almmolaččat allaárvosaš doaluid bokte. Mii ávvudit sáhkavuoruiguin, dearvvuođaiguin ja guoimmuhemiin Sáhkaskáiddis ja kantiinnas. Guossohuvvo lunša buot gussiide. 

Sáhtát maiddái searvat ZOOM neahttaoktavuođa bokte. Liŋkka álmmuhuvvo ruovttusiidui “Dáhpáhusaid” vuollái.  

Duorastat, 25.beaivi borgemánus

Internationala studeanttaide diehtojuohkin 
Dii. 09.30-10.30 
Internašunaliserenráđđeaddi doallá diehtojuohkima olgoriika studeanttaide.  

Studeantamielváikkuheapmi ja studeantastivra 
14.00-14.45, Sáhkaskáidi 
Studeantastivra ja oahppohálddahus muitalit studeantamielváikkuheami birra. Studeantastivra muitala iežaset doaimmaid birra.  

Bearraltuvra direktevrrain/ Perletur med direktøren 
Dii. 16.30?
Direktevra vuolgá studeanttaiguin bearraltuvrii. Gosa: Fárppaljávri (luonddubálggis).  Vuolgga Diehtosiiddas dii 16.30, busse doalvu Suohpatjávrri campingii. 

 
Studeantapubba - Guossohuvvo pizza ja lágiduvvo quizza.  
20.00  
Gos: Eanet dieđut bohtet
 

Bearjadat, 26.beaivi borgemánus

Kursa: Streassa- “Muhtomin leat mis dábálaš eallinhástalusat, eará háve šaddá badjelmeare ollu”  
Dii. 09.00-09.45, Sáhkaskáiddis
Suohkanpsykologat Anne Lene Turi Dimpas ja Margrethe Bals Utsi boahtiba muitalit studeanttaide psyhkalaš dearvvašvuođa birra. Fáddá: Psyhkalaš dearvvašvuohta ja streassa- Muhtomin leat mis dábálaš eallinhástalusat, eará háve šaddá badjelmeare ollu 
 
Kursa 
09.45-10.30 
Eanet dieđut bohtet.  

Eahketdoalut:Konsearta Lávvulávddis 

Lágiduvvo studeantafeasta Gilišiljju lávuin. Studeanttaide studeantahaddái billeahtta. 

Sámi musihkkafestivála lágida ollásit daid doaluid ja sii maid annonserejit konsearta. Konsearta lea rabas maiddái márkanolbmuide.

Eanet dieđut bohtet.