EndNote

Go áiggut bidjat akademalaš teavsttaide referánssaid, de fertet leat hui dárkil detáljaiguin. Danin dát bargu sáhttá leat áddjás bargu, erenoamážit jos čálát guhkit teavstta ja/dahje geavahat olu gálduid. Álkidan dihte dán barggu sáhttá leat ávkkálaš geavahišgoahtit dihtorprográmma mii lea hábmejuvvon teaksta dokumeanttaid referánssaid gieđahallamii.

Gávdnojit máŋggalágan referánsahálddašanreaiddut. Girjerájus fállá kurssa ja geavaheaddjidoarjaga EndNote prográmmas.

EndNote-prográmmain ráhkadat vuorkká gos sáhtát registreret ja organiseret buot iežat referánssaid. Don sáhtát ieš registreret gáldočujuhusaid dahje ieš sisafievrridit daid elektruvnnalaš diehtovuođuin, nugo Oria, EBSCO dahje Web of Science. Sáhtát maid vurket pdf-fiillaid du EndNote-girjerádjui, ovdamearkka dihte vižžon dieđalaš artihkkaliid, e-girjjiid kapihttaliid ja elektrovnnalaš aviisaartihkkaliid.

Referánssaid maid leat registreren EndNote: as, sáhtát bidjat teavstta sisa Word-dokumeanttaide Cite mens You Write -funkšuvnna bokte. Go bijat gáldočujuhusa tekstii, de lasihuvvo ollislaš čujuhus automáhtalaččat dokumeantta loahpas čujuhuslistui, mii sihkkarastá oktavuođa gaskal ovttaskas čujuhusa teavsttas ja čujuhusa čujuhuslisttus. Váldde oktavuođa girjerádjosiin jus dárbbahat eanet dieđuid EndNote birra.

Referánsastiilla válljen

Referánsastiila lea standardiserejuvvon vuohki mot bidjá ja hábme čujuhuslisttu gálduide. Gávdnojit máŋga iešguđetlágan stiilla. Referánsastiilla válljen lea fágaid mielde. Iešguđet fágain leat áinnas iežaset preferánssat movt gálduid galgá almmuhit. Áigečállagiin ja lágádusain sáhttet dasa lassin leat sierra referánsastiilagáibádusat maid dutkit fertejit čuovvut go almmuhit.

Studeantan lea dehálaš ahte don oahpat rivttes gáldogeavaheami ja siterema vuđolaččat. Sáhttá maiddái leat ávkkálaš oažžut rávvagiid bagadalliin vai dieđat makkár referánsastiila ávžžuhuvvo fágas. Jus ii leat makkárge stiila ávžžuhuvvon fágii, de lea dehálaš ahte válljet standardiserejuvvon stiilla ja geavahit dan konsekveanta.

Referánsastiillat mat geavahuvvojit Sámi allaskuvllas:

Aigecala - (Sámi dieđalaš áigečála)

APA 6th-7th

Harvard

EndNote gáldohámit (Output Style)

EndNote:i heivehuvvon gáldohámit Áigečála, APA 6h norsk, Harvard norsk UiT:a siidduin
(UiTs tilpassede referansestiler).

EndNote:a siidduin gáldohámit.

EndNote 21 installeren: Váldde oktavuođa IT-ossodagain support@samas.no

Láidehusat

endnote_21_sam_laidehus.pdf