Sámegiela ja sámi girjjálašvuođa bachelorprográmma

Sámegiela ja sámi girjjálašvuođa bachelorgráda addá govda teorehtalaš ja geavatlaš máhtu. Sámegiela ja sámi girjjálašvuođa oahput addet dáidduid ja dieđuid sámegiela ja girjjálašvuođa historjjás, gielalaš diliin, girjjálašvuođa šlájain ja teorehtalaš čuolbmaásahemiin erenoamážit eamiálbmotperspektiivvas.

Oahpus beasat hárjehallat ja nannet sámegiela njálmmálaš ja čálalaš giellageavaheami. Oahppu duddjo buriid gálggaid sihke gielas, girjjálašvuođas, stilistihkas ja retorihkas.

Oahpahus- ja eksámengiella: Oahpahus- ja eksámengiella lea davvisámegiella.

Oahpahan- ja oahppanvuogit: Oahpahan- ja oahppanvuogit bohtet ovdan iešguđetge oahpu oahppoplánas.

Oahpahusbáiki: Sámi allaskuvllas ja neahta bokte

Diibmoplána ja deaivvadanplána

Sisabeassangáibádusat

• Dábálaš sisabeassangáibádusat alitohppui. Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla, logahaga dahje gymnása) dahje reálagelbbolašvuohta. 

• Vurdojuvvo ahte ohcci máhttá davvisámegiela eatnigiel dásis, sihke njálmmálaččat ja čálalaččat. 

  Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin (30 oahppočuoggá), dahje vástideaddji oahpuin dahje giellageahččalemiin maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.

Oahpu oppalaš sisdoallu

Oahppoprográmma ulbmilin lea addit studeanttaide vuođđodieđuid davvisámegielas ja sámi girjjálašvuođas. Dasa lassin galgá oahppoprográmma nannet ja ovddidit studeanttaid njálmmálaš ja čálalaš sámegiela geavaheami dálá servodagas. Davvisámegiela ja sámi girjjálašvuođa eatnigiela dási bachelorprográmma hukse joatkkaoahppogelbbolašvuođa masteroahpuide. 

Olles oahppoprográmma viidodat leat 180 oč., mii sisttisdoallá 30 oč. oktasaš vuođđooahpuid, 90 oč. davvisámegiela ja sámi girjjálašvuođa fágaoahpuid ja 60 oč. válljenmuni oahpuid maid studeantta ieš vállje eavttuin ahte allaskuvla dohkkeha daid oassin prográmmas. 60 oč. fágaoahput leat geatnegahtton buohkaide, ja 20 oč. siste sáhttá studeanta válljet juogo guokte sierra suorggi (10 + 10 oč.) dahje guokte seamma suorggi oahppoovttadaga (20 oč.). Studeanta čállá maid bachelorbarggu (10 oč.). Muhtun oahpuin lea sisabeassangáibádus ahte ferte leat čađahan muhtun eará oahpuid. 

Oassi oahpahusas lea geatnegahtton muhtun oahpuin

Oassi oahpahusas lágiduvvo fysalaččat Guovdageainnus ja oassi neahttaoahpahussan. Oahpahusa lágideapmi lea čilgejuvvon dárkileappot ovttaskas oahpuid oahppoplánain. 

Prográmma huksehus

1. lohkanbadji	2. lohkanbadji	3. lohkanbadji	4. lohkanbadji	5. lohkanbadji	6. lohkanbadji
SÁM-1000 Láidehus gielladiehtagii, 10 oč.  OKT 101 Eamiálbmotfilos ofiija, 10 oč.  OKT 102 Dieđalaš čállin ja guorahallan, 10 oč.	SÁM-1001 Davvisámi fonologiija ja suopmanat, 10 oč.  SÁM-1002 Láidehus sámi girjjálašvuođad iehtagii, 10 oč.  Studeanttat válljejit juogo SÁM-1003 Ođđaset sámi prosa, 10 oč. dahje SÁM-1004 Láidehus sámi sosiolingvistihk kii, 10 oč.	SÁM-1005 Morfologiija ja syntáksa I, 10 oč.  SÁM-1006 Luohtepoesiija ja lyrihkka, 10 oč.  Studeanttat válljejit juogo  SÁM-1007 Gielladikšun I, 10 oč. dahje  SÁM-1008 Muitaleapmi, drámá ja filbma, 10 oč.	Válljenmuni oahput, doarjjafágat ja/dahje lonohallan 30 oč.	Válljenmuni oahput, doarjjafágat ja/dahje lonohallan 30 oč.	SÁM-2100 Bachelorbargu , 10 oč.  SÁM-2001 Girjjálašvuođa diehtaga teoriijat ja metodat, 10 oč.  SÁM-2002 Morfologiija ja syntáksa II, 10 oč.

Bargo- ja joatkkaoahppovejolašvuođat

Bachelorgrádaprográmmain sáhttá kvalifiseret sámegiela ja sámi girjjálašvuođa mastergráda oahpuide. Oahppu addá gelbbolašvuođa bargat máŋggalágan almmolaš ja priváhta surggiin. Bachelorprográmma čađaheami maŋŋá sáhttá bargat earret eará giella- ja teakstakonsuleantan, giellabagadallin, girjjálašvuođa áššedovdin, kulturbargin ja girječállin.

Prográmmaplána Sámegiela ja sámi girjjálašvuođa bachelor 180 oahppočuoggá

Áigemearit ja dehálaš dáhtonat

Jus leat jearaldagat mat gusket oahpposaji ohcamii, ohcanvuogádahkii, sisabeassangáibádusaide jna., váldde oktavuođa oahppohálddahusain e-boastta bokte: oahppohalddahus@samas.no