Áigemearit ja dehálaš dáhtonat
Oahpuide mat álget čakčat leat dákkár áigemearit ja dehálaš dáhtonat:
- 01.02. Oahput rahppojit ohcanládje oktasaš ja báikkálaš sisaváldimis
Dáid vuogádagaid bokte sáhtát ohcat:
- 01.03. Ohcanáigi reálagelbbolašvuođa vuođul ja árrasisaváldin
- Ovdagihtii lohpiduvvon oahpposaji fidne duođaštuvvon dárbbu vuođul. Ovdalgihtii lohpádusa sáhttá oažžut buozanvuođa, doaibmahehttehusa, orrunlobidárbbu ja eará ákkaid geažil, dahje jus lea oahppu maid ii sáhte rehkenastit čuoggáiguin (omd. olgoriikkas čađahuvvon oahppu).
- Ohcamuš reálagelbbolašvuođa vuođul.
- Áigemearri buktit duođaštusaid lea 20.03.
- 15.04. Váldoohcanáigemearri buot oahpuide
- Buot prográmmaoahput allaskuvllas almmuhuvvojit Samordna opptak (Oktasaš sisaváldima) bokte. Ohcanáigemearri guoská buohkaide, earret sidjiide geat ohcet reálagelbbolašvuođa vuođul dahje ohcet ovdagihtii lohpádusa.
- Oanehitáigge oahput ja 2-jagáš masteroahput almmuhuvvot báikkálaš sisaváldima bokte.
- Duođaštusat laktojuvvot ohcamii dahje sáddejuvvot jođánepmosit maŋŋel ohcama registrerema ja maŋemusat 01.06. Ohcciide geat gárvejit joatkkaskuvlla guoskevaš giđa, lea áigemearri 01.07.
- 20.05. Vástádus árrasisaváldimii
Jus leat ohcan árrasisaváldima ja deavddát eavttuid, de almmuhuvvo vástádus oahpposajiohcamii miessemánu 20. beaivvi.
- 01.07. Vástádus oahpposajiohcamii almmuhuvvo
Jus leat ohcan oahpposaji báikkálaš sisaváldima bokte ovdal 15.04., de almmuhuvvo vástádus oahpposajiohcamii suoidnemánu 1. beaivvi.
- 19.07. Rabas oahpposajit almmuhuvvot oktasaš sisaváldimis
Jus leat prográmmaoahput main leat áin oahpposajit, de almmuhuvvot prográmmaoahput ohcanládje oktasaš sisaváldimis (Samordna Opptak). Loga eambbo rabas oahpposajit birra dáppe: 19. juli - Samordna opptak
- 20.07. Vejolaš ohcat rabas oahpposajiide
Dii. 09:00 rájes lea vejolaš ohcat rabas oahpposajiide oktasaš sisaváldimis (Samordna opptak). Loga eambbo rabas oahpposajiid birra dáppe: Universitet og høgskole - Ledige studieplassar - Samordna opptak
- 20.07. Vástádus oahpposajiohcamii almmuhuvvo
Jus leat ohcan oktasaš sisaváldima bokte (Samordna Opptak bokte) min prográmmaoahpuide, de oaččut vástádusa oahpposaji ohcamii. Don vástidat oahpposajifálaldahkii iežat ohcamis. Vástidanáigemearri lea 24.07.
- 24.07. Vástidanáigemearri oktasaš sisaváldimis
Don fertet vástidit oahpposajifálaldahkii ovdal dii. 23:59. Jus it vástit oahpposaji fálaldahkii, de massat oahpposaji.
- 15.09. Maŋemus beaivemearri sisačálihit Sámi allaskuvlla studeantan čakčalohkanbajis.
Don fertet sisačálihit studeantan jus galggat beassat doalahit oahpposaji oahpus mii álggii čakčat.
Oahpuide mat álget giđđat leat dákkár áigemearit ja dehálaš dáhtonat:
- 01.10. Oahput mat álget giđđat rahppojit ohcanládje báikkálaš sisaváldimis
Oahput/oahppoovttadagat mat álget giđđalohkanbajis almmuhuvvojit ohcanládje čakčat.
- 15.11. Ohcanáigemearri oahpuide mat álget giđđalohkanbajis reálgelbbolašvuođa vuođul ja árrasisaváldimis
- Árrasisaváldima sáhtát ohcat duođaštuvvon dárbbu vuođul. Oahpposaji ohcan sáhttá meannuduvvot árrasisaváldima bokte omd. buozanvuođa, doaibmahehttehusa, orrunlobidárbbu ja eará ákkaid geažil, dahje jus lea oahppu maid ii sáhte rehkenastit čuoggáiguin (omd. olgoriikkas čađahuvvon oahppu). Muitte válljet árrasisaváldima iežat ohcamis jus áiggut ohcat árrasisaváldima.
- Ohcamuš reálagelbbolašvuođa vuođul.
- 01.12. Ohcanáigemearri oahpuide mat álget giđđalohkanbajis
Buot oanehitáigge oahput ja 2- jagáš masteroahput allaskuvllas almmuhuvvojit SøknadsWeb (OhcanWeb) bokte. Ohcanáigemearri guoská buohkaide, earret sidjiide geat ohcet reálagelbbolašvuođa vuođul dahje ohcet árrasisaváldima.
- 01.12. Áigemearri buktit duođaštusaid
Áigemearri buktit duođaštusaid ahte deavddát oahpu sisabeassangáibádusaid. Duođaštusaid sáhtát laktit OhcanWeb:ii dahje sáddet oahppohálddahusa oktasaš e-bostii: oahppohalddahus@samas.no maŋemustá 01.12.
- 20.12. Vástádus oahpposajiohcamii almmuhuvvo
- Vástádus oahpposajiohcamii almmuhuvvo OhcanWeb:ii (SøknadsWeb:ii).
- Jus leat ohcan árrasisaváldima bokte, de almmuhuvvo vástádus du oahpposajiohcamii 01.12.
- 15.02. Maŋemus áigemearri sisačálihit Sámi allaskuvlla studeantan giđđalohkanbajis.
Don fertet sisačálihit studeantan jus galggat beassat doalahit oahpposaji oahpus mii álggii dálvet/giđđalohkanbajis.