Sámi servodatfága bachelorprográmma

Sámi servodatfága bachelor addá gelbbolašvuođa sámi servodaga organiseremis ja gelbbolašvuođa ovddidit sámi servodaga dárbbuid stáhta vuogádagas.

Oahpahus- ja eksámengiella: Oahpahus- ja eksámengiella lea davvisámegiella. Muhtun logaldallamat sáhttet leat dárodahje ruoŧagillii ja sáhttá dulkojuvvot sámegillii. Eaŋgalasgiella ii dulkojuvvo.

Oahpahan- ja oahppanvuogit: Oahpus lea sihke fysalaš ja neahttavuđot oahpahus. Oahppoplánain lea dárkilat diehtu oahppoovttadagaid lágideami birra. Oahppan lágiduvvo deaivvademiid, studeantačoahkkanemiid, oahppomátkkiid, bagadallamiid ja daid gaskka neahttagulahallama bokte. Guđege oahppoovttadaga oahppoplánas leat dieđut fágaoahpahusas ja oahppanvugiin.

Diibmoplána ja deaivvadanplána

Sisabeassangáibádusat

• Dábálaš sisabeassangáibádusat alitohppui. Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla, logahaga dahje gymnása) dahje reálagelbbolašvuohta. 

• Sámegielmáhttu. 

  Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin (30 oahppočuoggá), dahje vástideaddji oahpuin dahje giellageahččalemiin maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.

Oahpu oppalaš sisdoallu

Sámi kultuvra lea vuođđuduvvon birgenlágiide mas čáhce- ja eanangeavaheapmi lea guovddážis. Sápmelaččain lea eamiálbmot- ja minoriteahttastáhtus mii mielddisbuktá dáistalemiid váldoservvodagaid ektui. Dát oahppu addá gelbbolašvuođa sámi servodaga organiseremis ja gelbbolašvuođa ovddidit sámi servodaga dárbbuid stáhta vuogádagas. Stáhta 4 vuogádat lea huksejuvvon váldoservodaga kultuvra- ja riekteipmárdusa vuođul, ja dát buktá sámi álbmogiid čuolmmaid ja dáistalemiid stuorra servodagaid ektui. 

Oahppu gokčá servodatlaš dieđuid Sámis man vuolggasadji lea sámi birgenlágit ja čáhce- ja eanangeavaheapmi. Oahppu addá vuđolaš dieđu ja máhtu sihke árbevirolaš ja almmolaš eanan- ja čáhcehálddašeamis, ja mo dát guokte hálddašanvuogi gulahallaba. Vuođđun máhtuide ja dieđuide lea sápmelaččaid gulahallan birrasiiguin ja sin vuoigatvuođat eatnamiidda ja čáziide. Studeanttat ohppet ákkastallat Sámiid iežaset birgenlágiid ja ovdánahttima mávssolašvuođa ovddas. Máhttovuođđu ákkastallamiidda leat sápmelaččaid iežaset práksisat, doahpagat, riekteáddejupmi, eallinoainnut ja muitalusat.

Prográmma huksehus

1. lohkanbadji	2. lohkanbadji	3. lohkanbadji	4. lohkanbadji	5. lohkanbadji	6. lohkanbadji
SER 101 Ovdalaš sámi ealáhus- ja birgenlágit, 10 oč	SER 103 Olmmoš ja biras, 10 oč	Válljenmuni oahput, doarjjafágat ja/dahje lonohallan 30 oč	OKT 101 Eamiálbmot- filosofiija, 10 oč	JUR 101 Sámeriekti, 10 oč	SER 204 Bachelorčálus, 20 oč
SER 102 Sámi birasehtalaš vierut, 10 oč	SER 104  Árbevirolaš sámi ealáhusdoaimmat Odne, 10 oč		OKT 102 Dieđalaš čállin ja guorahallan, 10 oč	SER 201 Sámi birgenlágiid ceavzilvuohta, 10 oč	SER 203 Sápmelaččaid demokráhtalaš ja politihkalaš proseassat, dáistaleapmi stuorra servodagain, 10 oč
JUR 102 Almmolaš eananja čáhcehálddašeapmi sámi guovlluin, ja dan diehtovuođđu, 10 oč	JUR 103 Sámi riekte- Ipmárdusat, 10 oč		OKT 103 Metodalaš lahkonanvuogit, 10 oč	SER 202 Etihkka ja práksis, čáhce- ja eananháldda šeami ákkastallamis, 10 oč

Bargo- ja joatkkaoahppovejolašvuođat

Bachelorprográmma ollašuhttin addá gelbbolašvuođa muhtun mastergrádaoahpuide juogo Sámi allaskuvlla dahkan soahpamušaid vuođul eará oahppoásahusaiguin dahje ohcama vuođul. Oahppu addá gelbbolašvuođa bargguide mat doaimmahit, čielggadit dahje leat doarjjan ovdánahttit meahccevalljodat ealáhusaid ja bargguide mat gullet meahccebirrasa ja dasa gullevaš doaimmaid hálddašeapmái. Dasa lassin addá oahppu vuođu eará bargguide maidda gullá seailluhit, oahpásmahttit dahje ovdanbuktit sámi dieđuid, máhtuid ja bargovugiid das mii gullá vuođđoealáhus- ja meahccebirrasii obalohkái.

Prográmmaplána 
 

Áigemearit ja dehálaš dáhtonat

Jus leat jearaldagat mat gusket oahpposajeohcamii, ohcanvuogádahkii, sisabeassangáibádusaide jna., váldde oktavuođa oahppohálddahusain e-boastta bokte: oahppohalddahus@samas.no