Latest news
- School sessions and gatherings autumn 2022
- 6 good reasons to study at Sami University of applied sciences
- Cooperation agreement signed
- Call for abstracts: Landscape Practices Conference
- New student ambassadors for Sámi University of Applied Sciences in Russia
- Inga Juuso – Tribute concert: Free tickets for students at Sámi University of Applied Sciences
- Welcome to register to the online part of the Sámi Education Conference 2021
- Start of studies autumn 2021
- The application deadline for autumn semester studies 2021 has been extended!
![Riddu Riđđu Govven: Anne Wuolab](https://samas.no/sites/default/files/styles/hovedbilde/public/field/image/riddu_riddu_2012.jpg?itok=Z0heW9q1)
Čuojat juoigga! Riddu Riđus Ijahis Idjii
Oahpa sámemusihka ja juoigama dán geasi!
Mii fállat lávdaduvvon oahpahusa Ohcejogas, Riddu Riđđu festiválas Olmmáivákkis ja Ijahis Idja festiválas Anáris
Dieđut
- Lávdaduvvon oahpahus Ohcejogas,Riddu Riđđu festiválas Olmmáivákkis ja Ijahis Idja festiválas Anáris
- Oahpahusgiella davvisámegiella
- 5 oahppočuoggá
- Bachelordási válljenfága/doarjjafága
- Ohcan SøknadsWeb bokte
- Ovttasbargu Ohcejoga gielddain, Juoigi servviin ja Samiske komponister servviin.
Oza ovdal 20.5.2014
Čoagganeamit:
Ohcejogas:
13. – 15.06.2014 ja 27. – 29.06.2014
Riddu Riđđu – festiválas Olmmáivákkis:
11. – 13.07.2014
Ijahis Idja festiválas:
14. – 16.08.2014
Sisdoallu
Háliidat go viiddidit ja nannet sámimusihka– ja/dahje juoiganmáhtu? Sámimusihkka- ja juoiganoahppu sisttisdoallá sámi musihka oahpásmuvvama ja hárjehallama. Lahkonit luođi jietnahárjehusaiguin ja oahpásnuvvat iešguđetlágan juoigansuopmaniidda. Mo aiddo don juoiggat ja gávnnat luođi iežat siste?
Árbevirolaš juoigan ii leat šat dán áigge áidna sámemusihkkavuohki, nu bat kurssas hárjehallat maiddái modearna sámemusihka 70-logus dán beaivái. Oahpásnuvvat musihkkára bargui lávddi alde ja lávddi duohkin. Maid iešalddes sámemusihkkár bargá, mo lea čuožžut gehččiid ovddas lávddi alde ja maid don musihkkárin barggat ovdal go leat dán rádjai ollen? Leago dus miella čuojahit minguin? Dohppes iežat čuojanasa fárrui ja searvva don ge!
Sisabeassangáibádusat
Eaktun beassat ohppui leat alitoahpahusa dábálaš sisaváldingáibádusat , maid vuođđun leat juogo oppalaš lohkangelbbolašvuohta (joatkkaskuvla, gymnásaskuvla dahje logahat) dahje reálagelbbolašvuohta (Reálgelbbolašvuohta mearkkaša, ahte olbmos lea 5 jagi bargohárjáneapmi ja ahte son lea unnimusat 25 jagi).
Gielas galgá leat sámegiela máhttu 1. dahje 2. giellan joatkkaskuvllas, Suoma bealde logahaga eatnigielladutkkus dahje guhkes amasgielladutkkus, Ruoŧa bealde gymnása modearna- dahje eatnigiella, dahje vástideaddji (omd. sámegiela lohkanbadjeoahppu). Sámegielagáibádusa sáhttá maiddái deavdit sierra giellageahččaleami bokte.