Allaskuvlalektor, jurista/ master riektediehtagis

Sámi allaskuvlla ovddeš prorektor Line Kalak gárvvistii iežas masteroahppu riektediehtagis juridihkalaš fakultehtas Tromssa Universitehtas 2013. Das ovdal son lea lohkan fitnodatekonomiija, prošeaktajođiheami ja sosiálaantropologiija. Son álggii Sámi allaskuvlii dutkin ja allaskuvlalektorin 2014. Seamma jagi álggii ráđđeaddin Árbediehtoprošeavttas. Ovdal son lea bargan juristan Davvi-Norgga Seastinbáŋkkus finánsaossodagas ja Biebmobearráigeahčus konsuleantan. Line Kalak lea dál stivraláhttu Dutkansearvvis allaskuvllas.

Line Kalak lea riegádan 1980s ja bajásšaddan Lágesvuonas mearrasámi guovllus. Sus leat golbma máná.

Dutkanfáttát ja oahpahussuorggit: Sámerievttit, álgoálbmotrievttit, guolástusrievttit, árbevirolaš máhttu, luondduresurssahálddašeapmi ja boazodoallorievttit. 

Su váibmoáššit leat:

• Árjjalaš fágalaš studeantabiras
• Gulahallan ja luohttevašvuohta, sihke siskkáldasat ja servodagain.
• Iešheanalaš sámi allaskuvlla
• Akademalaš friddjavuohta ja dutkan máilmmi álgoálbmotdásis.
• Heivehuvvon oahpuid vai fátmát ja nannet iešguđetlágan ealáhusaid ja fitnodagaid Sámis
• Álgoálbmotmetodologija vuođđun oahpahusas ja dutkamis