SÁM 242 Sámi báikenamat oahpponeavvun
- Oahppokoda: SÁM 242
- 10 oahppočuoggá
- Oahpahusgiella: Davvisámegiella lea oahpahusgiella. Vurdojuvvot ahte studeanttat bastet lohkat eaŋgalasgielat lohkanmeari.
- Oahpu lágideapmi: Oahpahus lágiduvvo neahttaoahpahussan.
- Diibmoplána ja deaivvadanplána: TimeEdit
Oahppoplána- Lohkanmearri
Oahpu sisdoallu
Gurssas guorahallojuvvo mot nammafágalaš metodihka ja nammamateriála sáhttá adnojuvvot ávkin giellafágalaš ja fágaidrasttideaddji oahpponeavvuid plánemis ja ráhkadeamis. Gurssa áigge studeanttat plánejit man nu oahppodássái heivehuvvon oahpponeavvuid ja maiddái ráhkadit daid. Oahpponeavvoráhkadeamis lea ulbmilin atnit sámi báikenamaid guovddáš materiálan.
Oahppoprográmma gullevašvuohta
Gursa gullá Sámegiela ja sámi girjjálašvuođa bachelorprográmma giellasuorggi doarjjafágaide. Gurssa sáhttá maiddái ohcat heivehuvvot eará prográmmaide nugo omd. oahpaheaiohppui.
Oahpahan - ja oahppanvuogit
Logaldallamat, seminárat, hárjehusat, studeanttaid čálalaš barggut ja oahpponeavvuid ráhkadeapmi.
Eksámen
Oahpus lea oktagaslaš 40 minuhta njálmmálaš eksámen, mas lea vuođđun studeantta eksámenmáhppa. Eksámenmáhppii gullet kapihttalis 9 čilgejuvvon golbma oasi, mat deattuhuvvojit seammaárvosažžan. Árvvoštallan: Árvosátni A–F.
