Boazoealáhusa bachelorprográmma

• Oahpahusgiella: Váldogiella lea davvisámegiella. Oasit oahpahusas sáhttet leat eŋgelasgillii ja skandináva gielaide. Oahpahus eaŋgalsgillii ii dulkojuvvo.
• Oahpahusbáiki: Sámi allaskuvllas ja neahta bokte
• Ollesáigeoahppu 3 jagi, 180 oahppočuoggá
• Prográmmaplána
• Diibmoplána ja deaivvadanplána: 
• Jus leat jearaldagat mat gusket oahpposajeohcamii, ohcanvuogádahkii, sisabeassangáibádusaide jna., váldde oktavuođa oahppohálddahusain, oahppohalddahus@samas.no

Gelddolaš oahppu mas boazodoallu lea guovddážis ja ráhkkanahttá du dustet hástalusaid!

Sisdoallu
Iešguđet sámi guovlluin leat sihke sullasašvuođat ja erohusat máhtuid, bargovugiid, vieruid ja birgenlágiid dáfus, ja dain fas gaskavuođat iešguđet riikkaid ja nu iešguđetlágán almmolaš hálddahusaide. Dákkár beliid gaskavuođain ja maiddái daid iešguđetlágánvuođain leat ollu buohtastahttinvejolašvuođat ja čuolmmat ja dáid diehtin ja guorahallanvejolašvuođat addet kandidáhtaide erenoamáš gelbbolašvuođa lassin dasa ahte sin oahpus lea maid sámi vuolggasadji. Viidáset oahppu addá vuođu dovdat boazoealáhusa boazoealáhusa ekonomiija ollislašvuođadiliid ja daid ođasmahttima beliid, ja dasa lassin maiddái diehtovuođu árvvoštallat ealáhusa bistevašvuođa eará beliid.

Oahpus lea studeanttas vejolašvuohta mannat lonohallamii ja maiddái bargohárjehallamii, omd. fitnodahkii dahje ásahussii man doaibma juoga ládje čatnasa boazoealáhussii. 

Čiekŋudanvejolašvuođat
Bacheloroahppu kvalifisere dihto masteroahpuide. 

Bargovejolašvuođat
Oahppu addá gelbbolašvuođa bargguide mat hálddašit, doaimmahit, čielggadit dahje leat doarjjan ovdánahttit meahccevalljodatváđot ealáhusaid, ja das erenoamážit boazoealáhusa. Muđui bargguide mat gullet meahccebirrasa ja dasa gullevaš doaimmaid hálddašeapmái. Dasa lassin eará bargguide maidda gullá seailluhit, oahpásmahttit dahje ovdanbuktit sámi dieđuid, máhtuid ja bargovugiid das mii gullá vuođđoealáhus- ja meahccebirrasii obalohkái.