VSÁM-1100 Sámi girjjálašvuohta ja didaktihkka

Oahppu fállojuvvo válljenmuni oassin eará oahpaheaddjeoahppoásahusaid studeanttaide. Dat fállojuvvo studeanttaide geain lea aktiivvalaš lohkanvuoigatvuohta vuođđoskuvlaoahpaheaddjeoahpuin eará oahppoásahusain.

Oahpahus- ja eksámengiella:  Oahpahus- ja eksámengiella lea davvisámegiella.

Galli lohkanbaji badjel: 1

Oahpahan- ja oahppanvuogit: Oahppoovttadat lágiduvvo deaivvademiid ja neahttaoahpahusa bokte. Lohkanbajis leat 2 fysalaš deaivvadeami. Dasa lassin lea neahttaoahpahus ja iešheanalaš barggut. Logaldallamat, hárjehallamat, webinarat, seminárat, joavkobarggut, oktagaslaš barggut, studeantaovdanbuktimat ja bagadallan leat dábálaš bargovuogit oahpus

Oahpu lágideapmi: Neahttadoarjjaoahpahus, mearkkaša oahppu lágiduvvo sihke fysalaš deaivvademiid, neahttadeaivvademiid ja hárjehallama bokte.
 

 
Diibmoplána ja deaivvadanplána

Sisabeassangáibádusat:

Aktiivvalaš oahppovuoigatvuohta vuođđoskuvlaoahpaheaddjeoahpu 1-7 ja vuođđoskuvlaoahpaheaddjeoahpu 5-10 master oahpuin eará oahppoásahusain, ja sámegiella.

Sámegiela gáibádus

Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200–300 čuoggá) dahje vástideaddji sámegieloahppu doaibmi njuolggadusaid mielde.Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.

Oahpu sisdoallu: 

Oahppofálaldat gieđahallá sámegiela girjjálašvuođa gárggiideami, ja mánáid- ja nuoraidgirjjálašvuođa. Studeanta oahppá sámi girjjálašvuođa mearkkašumi birra servodagas ja oahpahusas, ja oažžu vuođđodieđuid sámegiela ja girjjálašvuođa historjjás. Oahpus studeanttat oahpásnuvvet sámi girjjálašvuođa guovddáš oahpahusvugiide, ja girjjálašvuođa vejolašvuođaide ohppiid sátneráju viiddideamis. Fágadidaktihkka deattuha muđuid lohkanoahppama ja -oahpahusa, ja lohkama ja čállima árvvoštallama.

Oahpahusas leat čuovvovaš fáttát:

Girjjálašvuohta (10 oč)
Sámi girjjálašvuođa historjá ja mearkkašupmi servodagas ja skuvllas 1 oč
Girjjálašvuođa geavahus ja mearkkašupmi skuvllas 2 oč
Sámi girjjálašvuođa guovddáš dutkanteoriijat ja -metodat 1,5 oč
Sámi njálmmálaš árbevieruid oahpahus skuvllas 1 oč
Sámi álbmotdikten ja máinnastanárbevierru 1 oč
Luohti ja eará sámi musihkka 1 oč
Sámi mánáid- ja nuoraidgirjjálašvuohta ja dan analyseren 2 oč
Eamiálbmotgirjjálašvuohta 0,5 oč

Fágadidaktihkka (5 oč)
Sámi girjjálašvuođa guovddáš oahpahanmetodat 3 oč
Sámi njálmmálaš árbevieruid oahpahus skuvllas 1 oč
Lohkanstrategiijat 1 oč

Gáibádusat beassat eksámenii

Gáibádussan beassat eksámenii lea:

• 80 % oassálastin buot osiin oahpahusas.
• 2 oktagaslaš čálalaš barggu, okta reflekšuvdnačálus ja okta fágačálus. Goappásge galget leat gaskkal 500-800 sáni.
• 1 njálmmálaš ovdanbuktin, oktagaslaččat dahje joavkkus.

Eksámen

Eksámen lea oktagaslaš 5- beaivásaš ruovttueksámen, mii árvvoštallojuvvo ECTS- árvosátnevuogádaga mielde árvosániiguin A- F.

Fagaplána - VSÁM-1100, Sámi girjjálašvuohta ja didaktihkka

Áigemearit ja dehálaš dáhtonat giđa oahpuide

Jus leat jearaldagat mat gusket oahpposaji ohcamii, ohcanvuogádahkii, sisabeassangáibádusaide jna., váldde oktavuođa oahppohálddahusain e-boastta bokte: oahppohalddahus@samas.no