Skip to main content
Joatkkaoahppu oahpaheddjiide
Rabas ohcamii
VLUO-6002

Luonddufága 2 – Ávdnasat, energiija ja teknologiija - joatkkaoahppun 1.-10. ceahki vuođđoskuvlaoahpaheddjiide

Oahppu fállojuvvo joatkkaoahppun 1.-7. ceahki ja 5.-10. ceahki vuođđoskuvlaoahpaheddjiide.

Oahppu galgá gealbudit studeanttaid plánet, čađahit, árvvoštallat ja ovdánahttit luonddufága oahpahusa mii lea vuođđuduvvon Sámi máhttovuogádagaide ja dieđalaš máhttui ja práksisaide. Oahpu sisdoallu fátmmasta earet eará kemiija, fysihka ja teknologiija. Luonddufága galgá addit fágalaš ja fágadidákttalaš vuođu oahpahit luonddufága vuođđoskuvlla 1. ceahkis 10. ceahkkái.

 

Oahpahus- ja eksámengiella: Váldo oahpahusgiella lea davvisámegiella. Oassi oahpahusas lágiduvvo dárogillii ja eaŋgalasgillii. Jus logaldallamat leat dárogillii, dat dulkojuvvojit dárbbu mielde. Logaldallamat mat leat eŋgelasgillii eai dulkojuvvo. Eksámengiella lea davvisámegiella.

Galli lohkanbaji badjel: 1

Oahpahan- ja oahppanvuogit: Oahpaheapmi čađahuvvo sihke deaivvademiid ja neahttaoahpaheami bokte. Oahpahan- ja oahppanvuogit leat logaldallamat, seminárat, joavkobarggut, iešheanalaš lohkkan, fágaidrasttideaddji barggut, reflekšuvdnabargu, fágamáhppa, praktihkalaš barggut labas, hárjehusat ja eksámenat.


Dát fága galgá gokčat máŋga iešguđetlágan fáttaid. Dát oahpahanvuohki gáibida ahte studeanta bargá iešheanalaččat ja nagoda plánet iežas bargoáiggi.


Studeanttas lea vejolaš oažžot bagadallama sihke neahta bokte ja dalle go leat deaivvadeamit.

Oahpu lágideapmi: Oahppu lágiduvvo neahttadoarjjaoahpahussan: Oahpus leat sihke fysalaš deaivvadeamit Sámi allaskuvllas, neahttadeaivvadeamit ja neahttaoahpahus. Fysalaš deaivvademiid ii leat vejolaš čuovvut neahta bokte.
  
Diibmoplána ja deaivvadanplána


 

Sisabeassangáibádusat:
  • Čađahuvvon oahpaheaddjeoahppu mii addá gelbbolašvuođa oahpahit 1.-7. ja 5.-10. cehkiin
  • Davvisámegielmáhttu


Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2.
giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit
giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.

Oahpu sisdoallu:

Oahppu galgá gealbudit studeanttaid plánet, čađahit, árvvoštallat ja ovdánahttit luonddufága oahpahusa mii lea vuođđuduvvon Sámi máhttovuogádagaide ja dieđalaš máhttui ja práksisaide. Oahpu sisdoallu fátmmasta earet eará kemiija, fysihka ja teknologiija. Luonddufága galgá addit fágalaš ja fágadidákttalaš vuođu oahpahit luonddufága vuođđoskuvlla 1. ceahkis 10. ceahkkái. Oahppu deattuha máhtu ja gálggaid mat ovdánahttet ohppiid progrešuvnna luonddufága vuođđofáttáin ja nu láhčet dilli joatkit fágalaš ovdáneami. Sámi perspektiivvat, luondduipmárdus, árbevirolaš máhttu ja ceavzilvuohta leat guovddážis sihke fága sisdoalus ja oahpahusas. Praktihkalaš bargovuogit ja lagaš oktavuohta hárjehallamii vuoruhuvvojit, ja studeanttat galget ovddidit iežaset máhtu ja bargovugiid sihke iešheanalaččat ja ovttas earáiguin.

Gáibádusat beassat eksámenii

Čuovvovaš gáibádusat galget leat dohkkehuvvon ovdal studeanta beassá eksámenii:

  • Oassálastán 80 % lágiduvvon oahpahusas deaivvademiin ja neahttaoahpahusas.
  •  
  • Fágamáhppa: Guokte bargobihtá maid fágaoahpaheaddji addá čuovvovaš fáttáin: kemiija, fysihkka ja teknologiija, mat galget dohkkehuvvot ja biddjot fágamáhppii.
     
  • Guokte dohkkehuvvon raportta (gaskal 800-1000 sáni) iskosiid ja praktihkalaš doaimmaid oktavuođas
     
  • Searvat fealtakursii ja čállit das raportta (gaskal 600-700 sáni).
     
  • Reflekšuvdnačálus (gaskal 600-800 sáni) mas studeanta reflektere iežas oahppama luonddufágas ja čanastagaid kultuvrii vuođđuduvvon oahpahussii.
     
  • Hábmet didákttalaš plána iešválljejuvvon fáttás ja
     
    • čađahit plána skuvllas dahje mielstudeanttaide
       
    • čállit didákttalaš árvvoštallanteavstta (gaskal 800-1000 sáni )
       
    • ovdanbuktit plána ja árvvoštallamiid semináras.

Barggut čađahuvvojit oktagaslaččat ja árvvoštallojuvvojit dohkkehuvvon/ ii dohkkehuvvon.

Eksámen

Eksámen lea guovtti oasis:
 

  1. Čálalaš eksámen lea 6 diimmu oktagaslaš eksámen (50 % deaddu loahpalaš árvosánis).
  2. Oktagaslaš njálmmálaš praktihkalaš eksámen (50 % deaddu loahpalaš árvosánis).


    Árvosánit addojuvvojit ECTS vuogádaga mielde, mas A lea buoremus árvosátni ja E lea vuolemus ceavzinárvosátni. F árvosátni mearkkaša ahte ii leat ceavzán.

Joatkkaoahppodoarjja / Tilskudd for videreutdanning

Dihtet go ahte gielddat, fylkagielddat ja priváhta skuvllat sáhttet oažžut doarjaga jus mánáidgárdde, vuođđoskuvlla dahje joatkkaskuvlla bargiid háliidit joatkkaoahpu váldit? 

Oahpahusdirektoráhtta sáhttá addit doarjaga nannet oahpaheddjiid ja eará bargiid gelbbolašvuođa mánáidgárddiin, vuođđoskuvllain ja joatkkaskuvllain jus leat čađahan vuođđooahpu mii vástida doarjjaortnega gáibadusaid.  

//

Visste du at kommuner, fylkeskommuner og private skoler kan få tilskudd dersom ansatte i barnehager, grunnskoler eller videregående skoler ønsker å ta videreutdanning?

Utdanningsdirektoratet kan gi tilskudd for å styrke kompetansen til lærere og andre ansatte i barnehager, grunnskoler og videregående skoler, forutsatt at de har gjennomført en grunnutdanning som oppfyller kravene i tilskuddsordningen.

Loga eambbo dieđuid / Mer informasjon:

Videreutdanning | udir.no 

Fágaplána, Luonddufága 2 – Ávdnasat, energiija ja teknologiija - joatkkaoahppun 1.-10. ceahki vuođđoskuvlaoahpaheddjiide , VLUO-6002

Áigemearit ja dehálaš dáhtonat giđa oahpuide

Jus leat jearaldagat mat gusket oahpposaji ohcamii, ohcanvuogádahkii, sisabeassangáibádusaide jna., váldde oktavuođa oahppohálddahusain e-boastta bokte: oahppohalddahus@samas.no