Ođđasat
- Manne Sámi allaskuvlii?
- Sámi oahpaheaddji masteroahput besset álggahuvvot
- Unnán kulturjournalisttat Sámis
- Šatta don ge sámi oahpaheaddjin
- Álgge studeantan allaskuvlii
- Oza doavttirgrádastipendiáhttavirgái
- Ođđa oahppogirji oahpaheaddjestudeanttaide
- Lihkostuvvan rabasbeaivi
- Alumni studeanttat searvaba čájáhusprošektii
– Fertego leat Sápmelaš?
Dábáleamos gažaldat olbmuin geat veardidit šaddat studeantat leat dan ahte fertego leat Sápmelaš beassat Sámi allaskuvlii.
Dan muitala Sámi allaskuvlla rekruterenkonsuleanta Mikkel Ole Eira. Son lea máŋgii mátkkoštan miehtá Sámi vuovdaleamen Sámi allaskuvlla oahppofálaldagaid iešguđetlágán oahppomeassuin ja skuvllain. Ja su vástádus lea álo ahte ii dárbbaš leat sápmelaš leat Sámi allaskuvla studeantan. Muhto eanasoassi oahppofálaldagain leat sámegillii. Datge ii dárbbaš hehttehussan leat go Sámi allaskuvla fállá oahpuid maddái eará gielaidego sámegillii ja álgooahpuid sámegielas.
Ikte leigga soai, Mikkel Ole Eira ja Sergey Gavrilov, guhte lea studeanta Sámi allaskuvllas, rekruterenmátkkis Ráissas ohcamen ođđa studeanttaid Sámi allaskuvlii ja doppe bohtetge olbmuin dakkár jearaldagat.
Sámi allaskuvla fállá sámegieloahpu easkaálgidásis gitta doavttirgráda dássái.
Šatta don maid studeantan Sámi allaskuvllas!
Geahča min oahppofálaldagaid.