Ođđasat
- Ohcanáigemearri allaskuvladirektevravirgái lea guhkiduvvon
- Gárve iežat oahpaheaddjeoahpu kvalifiserenortnega bokte!
- Sámi allaskuvla ohcá direktevrra
- Šatta ofelažžan - Sjatta oahpestiddjen - Tsïegline sjïdth!
- Sámi buohccidivššároahppu – don sáhtát váikkuhit makkár sisdoallu galggašii
- Guhkiduvvon ohcanáigemearri čavčča 2021 oahpuide!
- Háliidat go bargat studeanttadoaimmaiguin ja seammás diinet ruđa? De geahčes deike!
- Ohcanáigemearri oahpuide láhkonišgođii
- Studeanttaid sisabeassan Diehtosiidii 29.03-12.04
![Asta Balto akkrediterenjoavkkus WINHEC akkrediterenjoavku](https://samas.no/sites/default/files/styles/hovedbilde/public/astas.jpg?itok=V_5shj0O)
WINHEC gudnejahttá Sámi allaskuvlla bargi
Asta Mitkijá Balto lea vuosttaš gii Sámi allaskuvllas lea nammaduvvon World Indigenous Nations Higher Education Consortium (WINHEC) akkrediterenjovkui.
Dát joavku lea árvvoštallan Native Hawaii giela oahppoásahusaid WINHEC mihtuid mielde. Daid mielde galgá oahppoásahusain leat eamiálbmot giella, filosofiija, árvu ja vuoigŋa.
Balto lea ovddastan Sámi allaskuvlla dán joavkkus mas vel ledjet Dr. Ray Barnhardt, Alaskas; Dr. Timoti Kãreu, Aotearoas; Dr. Kanoe Nãone, Hawaiijis ja Dr. Walter Kahumoku III, maiddái son Hawaiijis.
Sii leat earo eará geahččan movt oahpahus ja giellageavaheapmi lea, jearahallan daid bargiid, váhnemiid ja ohppiid ja geahččan arkiiva materiálaid.
Native Hawaiian giellalihkadus ('Aha Pũnana Leo) lea ohcan WINHEC:S dohkkehuvvot sin ásahusa vai akrediterejuvvot WINHEC:S. Ja ohcamuš dohkkehuvvui ge Hawaiijis miessemánu loahpageažis.
Dohkkeheapmái lei vuđolaš oassi dat maid akkrediterenjoavku lei bargan.
Loga dás
Balto muitala ahte lea leamašan miellagiddevaš áicat ja árvvoštallat dan ahte lihkostuvvego doalahit dan eamiálbmot filosofiija ja vuoiŋŋa vuođđoskuvllain ja mánáidgárddiin.
![](https://samas.no/sites/default/files/styles/hovedbilde/public/asta_aicamin.jpg?itok=dr9ks3ZZ)
Asta Mitkijá Balto.
Asta rámiduvvui.
Asta Balto lea maiddái dán barggu oktavuođas doallan logaldallamiid sihke studeanttaide ja bargiide Sámi allaskuvllas.
Ja akkrediterenjoavkku bargu leage bures čađahuvvon ja leat dan dihtii gudnejahttojuvvon ja rámiiduvvon WINHEC:S sierra reivviin.
Loga eanet dás.
Geahča filmma Hawaiia giellalihkádusa barggus.