Ođđasat
- Unique on-line courses on special education
- Sámi álbmotbeaivvi oktavuođas lágideamit olles vahkku
- Ođđa oahppofálaldat sámi mánáidgárdeoahpaheaddjeoahpus
- 2022 Gollegiella bálkkašupmi Ole Henrik Maggai
- Mátkemuitalus sámi vuođđoskuvlaoahpaheaddjeoahpu Kanáda mátkki birra
- Oahpa sámi muitalusaid ovdanbuktit oanehis filbman
- Bargobájit ja kurssat oahpaheddjiide giđđat 2023
- Guhkiduvvon ohcanáigemearri 2023 giđa oahpuin
- Čohkkeje boazosápmelaččaid Sámi allaskuvlii
![Pigga Keskitalo](https://samas.no/sites/default/files/styles/hovedbilde/public/pigga_keskitalo-3_govven-jis_1287061257.jpg?itok=tk0fp4Si)
Pigga Keskitalo doseantan Helssega universitehttii
Helssega universitehta kansleriija lea mieđihan pedagogihka doaktárii Pigga Keskitaloi pedagogihka doseantta árvvu 30.5.2014. Pigga Keskitalo bargá Sámi allaskuvlla 1. amanunensan.
Pigga Keskitalo lea geargan pedagogihka magisttarin 1997, pedagogihka lisensiáhtan jagis 2008 ja nákkáhallan pedagogihka doaktárin jagis 2010 Lappi universiteahtas. Su nákkosgirji gieđahalai kulturhearkkes oahpahuslágidemiid: "Sámeskuvlla kultursensitiivavuođa ohcamin pedagogalaš antropologiija vehkiin". Pigga Keskitalo lea doaibman oahpaheaddjeskuvlejumi suorggis máŋggaid jagiid ja čállán artihkkaliid ja girjjiid nu sáme-, suoma- ja eŋgelasgillii (e.e. "Sámi Education" (P. Keskitalo, K. Määttä & S. Uusiautti, 2013, Hamburg: Peter Lang).
Keskitalo dutkanbargu lea guoskan erenomážit sámi pedagogihka ja sámeskuvlla ja daid etnográfalaš ja kultursensiviiva dutkama.
![Pigga Keskitalo](https://samas.no/sites/default/files/styles/hovedbilde/public/pigga-keskitalo_1287061380.jpg?itok=R5E5VoqN)
Pigga Keskitalo.
Johan Issát Siri govven/photo.
Lassedieđut,
doseanta Pigga Keskitalo
pigga.keskitalo@gmail.com
tel. +358404197175