Nokut fágakommišuvdna

Nokut delegašuvdna gurut ravddas olgešguvlui: Ingvild Andersen, NOKUT; Anne-Mari Håkelien, NOKUT; Professor emerita Ingeborg Kongslien, Universitetet i Oslo; Professor ja instituhtajođiheaddji Graham Huggan, University of Leeds, Stuora Británnia; Stipendiáhta Signe Rix Berthelin, Norges teknisk-naturvitenskapelige universitet i Trondheim; Professor Anna-Riitta Lindgren, Universitetet i Tromsø.
Govven/Photo: Inger Marie Gaup Eira.

miessemánu 23. beaivi 2014

Fágakommišuvdna Sámi allaskuvllas

Miessemánu 14. ja 15. beivviid finai NOKUT, Norsk Organ for Kvalitet i Utdanningen, fágakommišuvdna Sámi allaskuvllas.
Ággán manne NOKUT finai Sámi allaskuvllas lea go Sámi allaskuvla ohcá doavttirgrádaprográmma Sámegielas ja Sámi girjjálašvuođas.

Kommišuvnna mielas lei ohcan buorre, muhto sii hálidedje lassi dieđuid ohcama oktavuođas ja danne fitnet allaskuvllas.
Kommišuvdna jearahalai Sámi allaskuvlla jođiheddjiid, fágabargiid, hálddahusbargiid ja studeanttaid ohcama birra.
Sámi allaskuvlla bargit ja studeantat vurdet gelddolaččat vástádusa ohcamii, leago dohkálaš vai ii.
Vástádus boahtá sullii beannot mánu geahčen.