Čálgofálaldagat Sámi allaskuvlla studeantaide

 

Gievrudanlatnja
Diehtosiidda gievrudanlatnja lea rabas buot Sámi allaskuvlla studeanttaide ja Diehtosiidda bargiide. Rahpanáiggit leat 06-23, muhto dárbbašat fal čoavddagoartta. Loga eanet SSO interneahttasiiddin.

Sávdnji
Diehtosiiddas sáhtát maid sávnnjodit. Diehtosiidda sávnnjit leat gievrudanlanjaid guoras.

Hárjehallan Báktehárjjis
Hárjehallandiimmut Báktehárjjis juolluduvvet jáhkasaččat servviide. Sámi allaskuvllas eai leat diimmut 2013/2014 skuvlajagis.

Vuojadeapmi
Sámi allaskuvlla studeanttat ja bargit sáhttet mannat vuojadit Guovdageainnu mánáidskuvlla vuojadanhállas čuovvovaš áiggiid:
-Mánnodagaid dii. 20-21

Solarium
Diehtosiiddas lea sierra latnja áfáiduhttimii/solarium. Dat leat rabas Sámi allaskuvlla studeanttaide ja Diehtosiidda bargiide. Solariumlatnja lea gealláris Diehtosiidda lulágeahčen.

Stuollu mii ruvve
Diehtosiiddas lea sierra stuollu mii ruvve rupmaša. Dát lea fálaldat buot Diehtosiidda bargiide ja Sámi allaskuvlla studeanttaide. Ruvvenstuollu lea seamma lanjas go solarium. Sáhttá go dán lanja gohčodit "ruvvehat ja goarddáhat"?

Kantiidna
Kantiidna lea rabas buohkaide ja dáppe oaččut oastit dábálaš lunšša ja liegga biepmu juohke beaivvi. Loga eambbo SSO interneahttasiidduin.
Fuomáš: Bargit ja studeanttat ožžot láigohit kantiinna sierra doaluide, nugo konfirmašuvnnaide. Geahča njuolggadusaid dákko.

Girjerájus
Sámi allaskuvlla girjerájus lea rabas buohkaide. Rahpanáiggit leat mánnodagas bearjadahkii  
dii. 09:00-15:30. Loga eanet girjerádjosa interneahttasiidduin.   

Luoikkahit lávu, fatnasa ja eará meahcástandávviriid
Sámi allaskuvlla bargit ja studeanttat sáhttet luoikat meahcástandávviriid nugo lávu, dulljiid, fatnasa oktan mutuvrrain, gálvojorri biilii ja kánuid. Diehtosiidda ovdakantuvra diehtá eambbo ja hálddaša luoikkaheami.

Biilamohtorliggenrusttegat
Diehtosiida fállá bargiide ja studeanttaide vejolašvuođa oastit elfámu biilamohtorliggenrusttegiidda. Elfámu gávdná stoalppuin parkerensajis ja daidda dárbbašuvvo sierra čoavdda. Elfápmu jáddaduvvo automáhtalaččat go šaddá bivvalet go 10 buolašgráda. Sáhttá oastit elfámu juogo olles dálvái dahje dušše beallái. Ovdakantuvra hálddaša mohtorliggenfálaldaga.

Jus dieđát eambbo čálgofálaldagaid birra, dieđit áinnas váldosuodjalusáittardeaddjái dahje diehtojuohkinkonsulentii.