SÁÁL 1 Nordsamisk i praktisk læringssituasjon - innføringsstudium 1. del / SÁM Davvisámegiella praktihkalaš dilis - álgooahppu 1. oassi
Dette studiet er beregnet for deg som verken kan snakke eller skrive nordsamisk, men vil lære språket fra grunnen av. Studiet er lagt opp til at du gjennom praktisk arbeid skal lære språket.
- Oahpahusgiella: Davvisámegiella
- Oahpahusbáiki: Sámi allaskuvllas
- 15 oahppočuoggá
- Oahppoplána sámegillii
- Studieplan på norsk
- Curriculum in english
- Diibmoplána ja deaivvadanplána: TimeEdit
- Lohkanmearri Legantos
- Jus leat jearaldagat mat gusket oahpposajeohcamii, ohcanvuogádahkii, sisabeassangáibádusaide jna., váldde oktavuođa oahppohálddahusain, oahppohalddahus@samas.no
Oahpu sisdoallu
Sámi allaskuvla fállá sámegiela álgooahpu álggahalliide, geat eai máhte hupmat eaige čállit sámegiela. Álgooahppu sáhttá maid heivet sidjiide, geat leat gullan sámegiela, muhto eai huma.
- Kursadivat: 1200,- ávnnasdivat ja 400,- lohkanbadjedivat
Oahppu deattuha sámegillii gulahallama ja ovttasbarggu studeanttaid gaskkas. Studeanttat besset hárjehallat hupmat sámegiela iešguđetlágan beaivválaš diliin. Ođđa sánit, hállan- ja čállinhárjehusat ja giellaoahppa heivehuvvojit fáttáid mielde. Juohke fáttás leat njálmmálaš hárjehusat ja rollaspealut ja álkes teavsttat.
Oahpu oassin leat maid beaive- ja/dahje idjadanmátkkit báikkálaš oahpisteddjiiguin. Oahpu loahpas studeanttat galget njálmmálaččat ovdanbuktit prošeaktabarggu. Sámegiela álgokurssas joksá dási Eurohpálaš giellaportfolio A1-A2 dási (Davvin 1-2 oahpponeavvu).
Čiekŋudanvejolašvuođat
Sáhttá joatkit sámegiela álgooahpu 2. oassái. Sámegiela álgooahppu 1 ja 2 leat vuođđun álgit Davvisámegiela lohkanbadjeohppui.
Bargovejolašvuođat
Sámegiela hálddašanguovllu bargosajiin gáibiduvvo sámegiela máhttu. Dát oahppu lokte sámegiela gelbbolašvuođa sidjiide geat barget sámegielat bargosajiin ja ámmátolbmuide geat barget sámi guovlluin.
Koordinator:
Mikkel Nils M. Logje: mikkelnl@samas.no