SPPO ja SPPO-F sisabeassangáibádusat ja oahpahangelbbolašvuohta

Praktihkalaš pedagogalaš oahpuid sisabeassángáibádusat leat vuođđuduvvon praktihkalaš pedagogalaš oahpuid našunála rámmaplána láhkaásahusaide. Dáid sáhttá leat váttis ipmirdit, ja danin leat dás vuolábealde sisabeassangáibádusat vuđoleabbo čilgejuvvon. 

Movt leat sisabeassangáibádusat?

Sámi praktihkalaš pedagogalaš ohppui 5.-13. cehkiide (SPPO):

Ohccit fertejit deavdit ovtta čuovvovaš njealji gáibádusain:

  1. Čađahan mastergráda ja unnimusat 60 oahppočuoggá ovtta skuvlafágas mas Sámi allaskuvla fállá fágadidaktihka (geahča listu vuollelis).
  2. Bachelorgráda ja unnimusat 60 oahppočuoggá ovtta skuvlafágas mas Sámi allaskuvla fállá fágadidaktihka, unnimusat 2 jagi relevánta bargovásáhus vuođđoskuvllas dahje joatkkaskuvllas.
  3. Bachelorgráda doaibmi ja hábmejeaddji dáiddafága (utøvende eller skapende kunstfag) (kategoriija A dahje B) mas lea unnimusat 180 oahppočuoggá fágas.
  4. Bachelorgráda praktihkalaš-estehtalaš fágas, mii addá oahpahusgelbbolašvuođa fágas, ja mii deavdá čuovvovaš eavttuid: 
    • Gitta golbma fága mat addet oahpahangelbbolašvuođa praktihkalaš-estehtalaš fágas vuođđoskuvllas, ovtta fága sáhttá drámá/teáhterfágain lonuhit
      • Unnimusat 120 oahppočuoggá čiekŋudeapmi ovtta fágas, ja eará fágain unnimusat 30 oahppočuoggá
      • Gaskamearálaš árvosátni C (3,0) dahje buoret.

Buot ohccit fertejit duođaštit sámegielmáhtu. Sámegielmáhtu sáhttá deavdit čuovvovaš vugiid mielde: 

  • Norgga joatkkaskuvllas sámegiella 1. dahje 2. giellan, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200–300 čuoggá) dahje vástideaddji sámegieloahppu doaibmi njuolggadusaid mielde, dahje
  • sámegiela lohkanbadjeoahpuin, 30 oahppočuoggá, dahje vástideaddji oahpuin, dahje 
  • ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.

Sámi allaskuvla fállá fágadidaktihka dáin fágain mat leat listejuvvon vuolábealde. Ohcci oahppo- ja bargoduogáš ferte leat relevánta válljejuvvon fágii:

  • Sámegiella ja sámi girjjálašvuohta
  • Boazodoallu
  • Duodji dahje dáidda ja giehtaduodji
  • Servodatfága
  • Matematihkka
  • Luonddufága

 

Sámi praktihkalaš pedagogalaš ohppui fidnofágii, 8.-13. cehkiide (SPPO-F):

Ohccit fertejit deavdit ovtta čuovvovaš guovtti gáibádusain:

  1. Fidnofágalaš alitoahppu ja bargovásáhus:
  • Čađahan 3-jagáš relevánta profešuvdnafágalaš bachelorgráda, ja
  • Unnimusat 2 jagi relevánta ollesáiggi fidnohárjehallan (bargovásáhus).
  1. Fidnofágalaš joatkkaskuvllaoahppu, lassioahppu ja bargovásáhus:
  • Fágareive, sváinnasreive dahje eará čađahuvvon 3-jagáš fidnofágaoahppu, ja
  • Oppalaš lohkangelbbolašvuohta dahje reálagelbbolašvuohta, ja
  • Unnimusat 2 jagi relevánta fidnoteorehtalaš oahppu maŋŋel joatkkaskuvlla (fágaskuvla dahje alit oahppu allaskuvllas dahje universitehtas), ja
  • Unnimusat 4 jagi relevánta ollesáiggi fidnohárjehallan (bargovásáhus).

Buot ohccit fertejit duođaštit sámegielmáhtu. Sámegielmáhtu sáhttá deavdit čuovvovaš vugiid mielde: 

  • Norgga joatkkaskuvllas sámegiella 1. dahje 2. giellan, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200–300 čuoggá) dahje vástideaddji sámegieloahppu doaibmi njuolggadusaid mielde, dahje
  • sámegiela lohkanbadjeoahpuin, 30 oahppočuoggá, dahje vástideaddji oahpuin, dahje 
  • ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.

Sámi allaskuvla fállá praktihkalaš pedagogalaš oahpu daidda fidnofágalaš oahppoprográmmaide mat leat listejuvvon vuolábealde. Ohcci oahppo- ja bargoduogáš ferte leat relevánta válljejuvvon fidnofágalaš oahppoprográmmii:

  • Huksen- ja ráhkadusteknihkka (Bygg- og anleggsteknikk)
  • Elektro ja dihtorteknologiija (Elektro og datateknologi)
  • Vuoktačuohppi, lieđit, sisbiras ja eksponerendesign (Frisør, blomster, interiør og eksponeringsdesign)
  • Giehtaduodji, design, buvttaovddideapmi ja duodji (Håndverk, design og produktutvikling og duodji)
  • Dearvvašvuođa- ja bajásšaddanfága (Helse- og oppvekstfag)
  • Informašuvdnateknologiija ja mediabuvttadeapmi (Informasjonsteknologi og medieproduksjon)
  • Luonddudoallu ja boazodoallu (Naturbruk og reindrift)
  • Restauránta ja biebmofága (Restaurant- og matfag)
  • Vuovdin, bálvaleapmi ja mátkkoštanealáhus (Salg, service og reiseliv)
  • Teknologiija ja industriijafága (Teknologi- og industrifag)
  • Musihkka, juoigan, dánsun ja drámá (Joik, musikk og scenekunst)

 

Fuomáš: Jus lea eahpečielggasvuođat sisabeassangáibádusaid ektui, de čujuhuvvo sisabeassangáibádusaide mat leat čilgejuvvon praktihkalaš pedagogalaš oahpuid rámmaplána láhkaásahusaide:

Čilgehus SPPO sisabeassangáibádusaide

Sámi praktihkalaš pedagogalaš ohppui 5.-13. cehkiide (SPPO) ohppuid sáhttát čuovvovaš oahput dohkkehuvvot sisabeassangáibádussan daidda fágadidaktihka surggiide maid Sámi allaskuvla fállá: 

Sámegiella ja sámi girjjálašvuohta:

  • Mastergráda ja unnimusat 60 oč sámegielas ja sámi girjjálašvuođas, dahje
  • Bachelorgráda ja unnimusat 60 oč sámegielas ja sámi girjjálašvuođas, ja unnimusat 2 jagi relevánta bargovásáhus vuođđoskuvllas dahje joatkkaskuvllas.
  • 60 oč sámegielas ja sámi girjjálašvuođas eai dárbbat leat oassi grádas.

Boazodoallu:

  • Mastergráda ja unnimusat 60 oč boazoealáhusa bachelora fágaoahpuin, dahje
  • Bachelorgráda ja unnimusat 60 oč boazoealáhusa bachelora fágaoahpuin, ja unnimusat 2 jagi relevánta bargovásáhus vuođđoskuvllas dahje joatkkaskuvllas.
  • 60 oč boazoealáhusa bachelora fágaoahpuin eai dárbbat leat oassi grádas.

Duodji dahje dáidda ja giehtaduodji:

  • Mastergráda ja unnimusat 60 oč duojis dahje dáidagis ja giehtaduojis (kunst og håntverk), dahje
  • Bachelorgráda ja unnimusat 60 oč duojis dahje dáidagis ja giehtaduojis, ja unnimusat 2 jagi relevánta bargovásáhus vuođđoskuvllas dahje joatkkaskuvllas, dahje
  • Bachelorgráda mas lea unnimusat 180 oč duojis dahje dáidagis ja giehtaduojis (20 oč vuođđooahput nu go eamiálbmotfilosofiija, dieđalaš čállin ja guorahallan, ex.fil dahje ex.fac dohkkehuvvojit oassin dán 180 oahppočuoggás), dahje
  • Bachelorgráda praktihkalaš estehtalaš fágas ja unnimusat 60 oč duojis dahje dáidagis ja giehtaduojis. Grádas galgá leat unnimusat 120 oahppočuoggá čiekŋudeapmi ovtta fágas (omd. duojis), ja eará fágain galgá leat unnimusat 30 oahppočuoggá. Gaskamearálaš árvosátni bachelorgrádas galgá leat C (3,0) dahje buoret. 
  • 60 oč duojis dahje dáidagis ja giehtaduojis eai dárbbat leat oassi grádas.

Servodatfága:

  • Mastergráda ja unnimusat 60 oč servodatfágas, dahje
  • Bachelorgráda ja unnimusat 60 oč servodatfágas, ja unnimusat 2 jagi relevánta bargovásáhus vuođđoskuvllas dahje joatkkaskuvllas.
  • 60 oč servodatfágas sáhttet leat omd. dáin fágasurggiin: boazoealáhus, journalistihkka, servodatdieđa, sosiologiija, stádadieđa, historjá, sosiálaantropologiija, kriminologiija, psykologiija, juridihka, geografiija, servodatekonomiija.
  • 60 oč servodatfágas eai dárbbat leat oassi grádas.

Matematihkka:

  • Mastergráda ja unnimusat 60 oč matematihkas, dahje
  • Bachelorgráda ja unnimusat 60 oč matematihkas, ja unnimusat 2 jagi relevánta bargovásáhus vuođđoskuvllas dahje joatkkaskuvllas.
  • Dan 60 oč matematihkas ferte unnimusat 30 oč leat matemáhtalaš fágain. Gitta 30 oč sáhttá leat dáin fágasurggiin: statistihkka, mekanihkka, ekonomiija, informatihkka. Matematihkkaoahput mat leat oassin ekonomiijaoahpus dahje inšenevraoahpus sáhttet nai leat relevánta, ja árvvoštallojuvvojit sierra. 
  • 60 oč matematihkas eai dárbbat leat oassi grádas.

Luonddufága:

  • Mastergráda ja unnimusat 60 oč luonddufágas, dahje
  • Bachelorgráda ja unnimusat 60 oč luonddufágas, ja unnimusat 2 jagi relevánta bargovásáhus vuođđoskuvllas dahje joatkkaskuvllas.
  • 60 oč luonddufágas sáhttet leat omd. dáin fágasurggiin: biologiija, kjemiija, fysihkka, luonddufága, botanihkka, zoologiija, biebmooahppu (ernæring), birasfága, medisiidna, geologiija, farmasiija, bioteknologiija, ekologiija, mekanihkka, ja statistihkka. Luonddufágaoahput mat leat oassin inšenevraoahpus ja dearvvašvuođafágas sáhttet nai leat relevánta, ja árvvoštallojuvvojit sierra. 
  • 60 oč luonddufágas eai dárbbat leat oassi grádas.
Čilgehus SPPO-F sisabeassangáibádusaide

Sámi allaskuvlla fállá Sámi praktihkalaš pedagogalaš ohppui fidnofágii, 8.-13. cehkiide (SPPO-F) oahpu daidda fidnofágalaš oahppoprográmmaide mat leat listejuvvon vuolábealde, ja ohcci sáhttá dušše ovtta oahppoprográmmii. Ohcci oahppo- ja bargoduogáš ferte leat relevánta válljejuvvon fidnofágalaš oahppoprográmmii:

Huksen- ja ráhkadusteknihkka (Bygg- og anleggsteknikk):

Relevánta oahppo- ja bargoduogáš sáhttá leat omd. huksen- ja ráhkadusteknihkka, anleggsgartner, huksejeaddji, snihkkár dahje muorrafága, stillasarbeider, luoddabargi dahje lásefágabargi. 

Elektro ja dihtorteknologiija (Elektro og datateknologi): 

Relevánta oahppo- ja bargoduogáš sáhttá leat omd. elektro, energiija, automasjonsfága, teknologiija dahje IT, installašuvdna ja vedlikehold, montering, kobling, reparasjon dahje programmering. 

Vuoktačuohppi, lieđit, sisbiras ja eksponerendesign (Frisør, blomster, interiør og eksponeringsdesign):

Relevánta oahppo- ja bargoduogáš sáhttá leat omd. vuoktačuohppi, lieđit, sisbiras, dekoratør, utstillingsdesign, styling, skiltproduksjon, profilering, scenografi, parykkmaker dahje sminkør. 

Giehtaduodji, design, buvttaovddideapmi ja duodji (Håndverk, design og produktutvikling og duodji):

Relevánta oahppo- ja bargoduogáš sáhttá leat omd. duodji, design, tradisjonshåndverk, industriell design, produktutvikling dahje scenografiija. 

Dearvvašvuođa- ja bajásšaddanfága (Helse- og oppvekstfag):

Relevánta oahppo- ja bargoduogáš sáhttá leat omd. mánáidgárdeoahpaheaddji, ovdaskuvlaoahpaheaddji, buohccidivššár, bátnedivššár, álbmotdearvvašvuođabargu, fysioterapiija, mánáidsuodjalus, suodjalusdikšu, bioinšenevra. Dus ferte leat relevánta praktihkalaš bargovásáhus siskkobeale ovtta dain fágareivviin dahje fidnomáhtuin mat leat oahppoprográmmas.

Informašuvdnateknologiija ja mediabuvttadeapmi (Informasjonsteknologi og medieproduksjon): 

Relevánta oahppo- ja bargoduogáš sáhttá leat siskkobeale informašuvdnateknologiija dahje eará profešuvdna mediaoahput filmma, govvema dahje gráfalaš hábmema siskkobeale. 

Luonddudoallu ja boazodoallu (Naturbruk og reindrift):

Relevánta oahppo- ja bargoduogáš sáhttá leat siskkobeale boazodoalu, guolásteami, eanandoalu, vuovdedoalu, gártnetfága dahje veterineara. 

Restauránta ja biebmofága (Restaurant- og matfag):

Relevánta oahppo- ja bargoduogáš sáhttá leat siskkobeale goahkka- ja servitevrafága, láibuma, konditoriija, biebmobuvttadeami, guolásteami dahje restoráŋŋa. 

Vuovdin, bálvaleapmi ja mátkkoštanealáhus (Salg, service og reiseliv):

Relevánta oahppo- ja bargoduogáš sáhttá leat siskkobeale márkanastima, politiija, mátkkoštanealáhusa, vuovdima, sihkarvuođa dahje ekonomiija. 

Teknologiija ja industriijafága (Teknologi- og industrifag): 

Relevánta oahppo- ja bargoduogáš sáhttá leat siskkobeale elektro, industriála produkšuvnna, logistihka, arbeidsmaskin, brønnteknikk, maritim fagteknikk, bilskade, kjøretøy ja transport. 

Musihkka, juoigan, dánsun ja drámá (Joik, musikk og scenekunst):

Relevánta oahppo- ja bargoduogáš sáhttá leat siskkobeale musihka, dánsema, neaktima, lávdedáidaga. 

Beasan go sisa iežan oahpuin ja makkár oahpahangelbbolašvuođa oaččun?

Mánáidgárdeoahpaheaddjeoahpuin/ ovdaskuvlaoahpaheadjeoahpuin

  • Sáhtát beassat sisa SPPO-F fidnofágalaš prográmmii dearvvašvuođa- ja bajásšaddanfága (helse- og oppvekstfag) jus dus lea unnimusat 2 jagi relevánta ollesáiggi fidnohárjehallan (omd. bargovásáhus mánáidgárddis).
  • Sámi praktihkalaš pedagogalaš oahppu fidnofágii, 8.-13. cehkiide (SPPO-F) fidnofágaprográmma dearvvašvuođa- ja bajásšaddanfága (helse- og oppvekstfag) addá gelbbolašvuođa bargat fidnofágaoahpaheaddjin dearvvašvuođa- ja bajásšaddanfága siskkobeale joatkkaskuvllas ja fitnodagain.

Sámegiela ja sámi girjjálašvuođa bachelorain

  • Sáhtát beassat sisa SPPO:i mas lea fágačiekŋudeapmi sámegielas ja sámi girjjálašvuođas, jus dus lea unnimusat 2 jagi relevánta bargovásáhus vuođđoskuvllas dahje joatkkaskuvllas.
  • Sámi praktihkalaš pedagogalaš oahppu 5.-13. cehkiide (SPPO) mas lea fágačiekŋudeapmi sámegielas ja sámi girjjálašvuođas addá oahpahangelbbolašvuođa sámegielfágas gaska- ja nuoraiddásis vuođđoskuvllas, ja joatkkaskuvllas oahppospesialiseren prográmmas, oktasašfágain fidnofága prográmmain ja rávisolbmooahpahusas. 

Sámegiela ja sámi girjjálašvuođa masteriin

  • Sáhtát beassat sisa SPPO:i mas lea fágačiekŋudeapmi sámegielas ja sámi girjjálašvuođas.
  • Sámi praktihkalaš pedagogalaš oahppu 5.-13. cehkiide (SPPO) mas lea fágačiekŋudeapmi sámegielas ja sámi girjjálašvuođas addá oahpahangelbbolašvuođa sámegielfágas gaska- ja nuoraiddásis vuođđoskuvllas, ja joatkkaskuvllas oahppospesialiseren prográmmas, oktasašfágain fidnofága prográmmain ja rávisolbmooahpahusas. 

Duoji ja hábmema bachelorain 

  • Sáhtát beassat sisa SPPO-F fidnofágalaš prográmmii giehtaduodji, design, buvttaovddideapmi ja duodji (håndverk, design og produktutvikling og duodji) jus dus lea unnimusat 2 jagi relevánta ollesáiggi fidnohárjehallan (omd. ahte leat bargan iežat duodjefitnodagain dahje eará barggus gos leat dujiin, dáidagiin dahje hábmemiin bargan).
  • Sáhtát beassat sisa SPPO:i mas lea fágačiekŋudeapmi duojis dahje dáidagis ja giehtaduojis jus deavddát ovtta dáin golmma liigegáibádusain: 
    • Dus lea unnimusat 2 jagi relevánta bargovásáhus vuođđoskuvllas dahje joatkkaskuvllas
    • Du grádas lea 180 oč duojis ja hábmemis (20 oč eamiálbmotfilosofiija ja dieđalaš čállin ja guorahallan lohkko oassin dás).
    • Du grádas lea unnimusat 120 oahppočuoggá čiekŋudeapmi duojis dahje hábmemis, ja eará fágain unnimusat 30 oahppočuoggá. Gaskamearálaš árvosátni grádas galgá leat C (3,0) dahje buoret.
  • Sámi praktihkalaš pedagogalaš oahppu 5.-13. cehkiide (SPPO) mas lea fágačiekŋudeapmi duojis addá oahpahangelbbolašvuođa duojis gaska- ja nuoraiddásis vuođđoskuvllas, ja joatkkaskuvllas oahppospesialiseren prográmmas, oktasašfágain fidnofága prográmmain ja rávisolbmooahpahusas. 
  • Sámi praktihkalaš pedagogalaš oahppu fidnofágii, 8.-13. cehkiide (SPPO-F) fidnofágaprográmma giehtaduodji, design, buvttaovddideapmi ja duodji (håndverk, design og produktutvikling og duodji) addá gelbbolašvuođa bargat fidnofágaoahpaheaddjin giehtaduodji, design, buvttaovddideapmi ja duodji fága siskkobeale nuoraidceahkis vuođđoskuvllas, joatkkaskuvllas ja fitnodagain.

Duoji masteriin

  • Sáhtát beassat sisa SPPO:i mas lea fágačiekŋudeapmi duojis dahje dáidagis ja giehtaduojis. 
  • Sámi praktihkalaš pedagogalaš oahppu 5.-13. cehkiide (SPPO) mas lea fágačiekŋudeapmi duojis dahje dáidagis ja giehtaduojis addá oahpahangelbbolašvuođa duojis gaska- ja nuoraiddásis vuođđoskuvllas, ja joatkkaskuvllas oahppospesialiseren prográmmas, oktasašfágain fidnofága prográmmain ja rávisolbmooahpahusas. 

Boazodoallooahpuid bachelorain / boazoealáhusa bachelorain

  • Sáhtát beassat sisa SPPO-F fidnofágalaš prográmmii luonddudoallu ja boazodoallu (naturbruk og reindrift) jus dus lea unnimusat 2 jagi relevánta ollesáiggi fidnohárjehallan (omd. ahte leat bargan boazoealáhusas dahje eará barggus gos leat boazodoaluin bargan).
  • Sáhtát beassat sisa SPPO:i mas lea fágačiekŋudeapmi boazodoalus dahje servodatfágas, jus dus lea unnimusat 2 jagi relevánta bargovásáhus vuođđoskuvllas dahje joatkkaskuvllas.
  • Sámi praktihkalaš pedagogalaš oahppu 5.-13. cehkiide (SPPO) mas lea fágačiekŋudeapmi boazodoalus addá oahpahangelbbolašvuođa boazodoalus joatkkaskuvllas oahppospesialiseren prográmmas, oktasašfágain fidnofága prográmmain ja rávisolbmooahpahusas. 
  • Sámi praktihkalaš pedagogalaš oahppu 5.-13. cehkiide (SPPO) mas lea fágačiekŋudeapmi servodatfágas addá oahpahangelbbolašvuođa servodatfágas gaska- ja nuoraiddásis vuođđoskuvllas, ja joatkkaskuvllas oahppospesialiseren prográmmas, oktasašfágain fidnofága prográmmain ja rávisolbmooahpahusas. 
  • Sámi praktihkalaš pedagogalaš oahppu fidnofágii, 8.-13. cehkiide (SPPO-F) fidnofágaprográmma luonddudoallu ja boazodoallu (naturbruk og reindrift) addá gelbbolašvuođa bargat fidnofágaoahpaheaddjin luonddudoallo- ja boazodoallofága siskkobeale joatkkaskuvllas ja fitnodagain.

Journalistihka bachelorain

  • Sáhtát beassat sisa SPPO:i mas lea fágačiekŋudeapmi servodatfágas, jus dus lea unnimusat 2 jagi relevánta bargovásáhus vuođđoskuvllas dahje joatkkaskuvllas.
  • Sáhtát beassat sisa SPPO-F fidnofágalaš prográmmii informašuvdnateknologiija ja mediabuvttadeapmi fágii (informasjonsteknologi og medieproduksjon) jus dus lea unnimusat 2 jagi relevánta ollesáiggi fidnohárjehallan (omd. bargovásáhus journalistan).
  • Sámi praktihkalaš pedagogalaš oahppu 5.-13. cehkiide (SPPO) mas lea fágačiekŋudeapmi servodatfágas addá oahpahangelbbolašvuođa servodatfágas gaska- ja nuoraiddásis vuođđoskuvllas, ja joatkkaskuvllas oahppospesialiseren prográmmas, oktasašfágain fidnofága prográmmain ja rávisolbmooahpahusas. 
  • Sámi praktihkalaš pedagogalaš oahppu fidnofágii (SPPO-F) fidnofágaprográmma informašuvdnateknologiija ja mediabuvttadeapmi  addá gelbbolašvuođa bargat fidnofágaoahpaheaddjin informašuvdnateknologiija ja mediabuvttadeapmi fága siskkobeale joatkkaskuvllas ja fitnodagain.

Journalistihka masteriin

  • Sáhtát beassat sisa SPPO:i mas lea fágačiekŋudeapmi servodatfágas.
  • Sámi praktihkalaš pedagogalaš oahppu 5.-13. cehkiide (SPPO) mas lea fágačiekŋudeapmi servodatfágas addá oahpahangelbbolašvuođa servodatfágas gaska- ja nuoraiddásis vuođđoskuvllas, ja joatkkaskuvllas oahppospesialiseren prográmmas, oktasašfágain fidnofága prográmmain ja rávisolbmooahpahusas

 

Ovdamearkkat eará relevánta oahpuide:

Eará bachelorgrádain (omd. friddja bachelor, mánáidgárdeoahpaheaddjeoahpu bachelor, journalistihka bachelor) ja unnimusat 60 oč sámegielas ja sámi girjjálašvuođas

  • Sáhtát beassat sisa SPPO:i mas lea fágačiekŋudeapmi sámegielas ja sámi girjjálašvuođas, jus dus lea unnimusat 2 jagi relevánta bargovásáhus vuođđoskuvllas dahje joatkkaskuvllas.
  • Sámi praktihkalaš pedagogalaš oahppu 5.-13. cehkiide (SPPO) mas lea fágačiekŋudeapmi sámegielas ja sámi girjjálašvuođas addá oahpahangelbbolašvuođa sámegielfágas gaska- ja nuoraiddásis vuođđoskuvllas, ja joatkkaskuvllas oahppospesialiseren prográmmas, oktasašfágain fidnofága prográmmain ja rávisolbmooahpahusas. 

Eará bachelorgrádain (omd. friddja bachelor, mánáidgárdeoahpaheaddjeoahppu bachelor, sámegiela ja sámi girjjálašvuođa bachelor) ja unnimusat 60 oč duoji ja hábmemis

  • Sáhtát beassat sisa SPPO-F fidnofágalaš prográmmii giehtaduodji, design, buvttaovddideapmi ja duodji (håndverk, design og produktutvikling og duodji) jus dus lea unnimusat 2 jagi relevánta ollesáiggi fidnohárjehallan (omd. ahte leat bargan iežat duodjefitnodagain dahje eará barggus gos leat dujiin, dáidagiin dahje hábmemiin bargan).
  • Sáhtát beassat sisa SPPO:i mas lea fágačiekŋudeapmi duojis dahje dáidagis ja giehtaduojis jus deavddát ovtta dáin golmma liigegáibádusain: 
    • Dus lea unnimusat 2 jagi relevánta bargovásáhus vuođđoskuvllas dahje joatkkaskuvllas
    • Du grádas lea 180 oč duojis ja hábmemis (20 oč eamiálbmotfilosofiija ja dieđalaš čállin ja guorahallan lohkko oassin dás).
    • Du grádas lea unnimusat 120 oahppočuoggá čiekŋudeapmi duojis dahje hábmemis, ja eará fágain unnimusat 30 oahppočuoggá. Gaskamearálaš árvosátni grádas galgá leat C (3,0) dahje buoret.
  • Sámi praktihkalaš pedagogalaš oahppu 5.-13. cehkiide (SPPO) mas lea fágačiekŋudeapmi duojis addá oahpahangelbbolašvuođa duojis gaska- ja nuoraiddásis vuođđoskuvllas, ja joatkkaskuvllas oahppospesialiseren prográmmas, oktasašfágain fidnofága prográmmain ja rávisolbmooahpahusas. 
  • Sámi praktihkalaš pedagogalaš oahppu fidnofágii, 8.-13. cehkiide (SPPO-F) fidnofágaprográmma giehtaduodji, design, buvttaovddideapmi ja duodji (håndverk, design og produktutvikling og duodji) addá gelbbolašvuođa bargat fidnofágaoahpaheaddjin giehtaduodji, design, buvttaovddideapmi ja duodji fága siskkobeale nuoraidceahkis vuođđoskuvllas, joatkkaskuvllas ja fitnodagain.

Eará bachelorgrádain (omd. friddja bachelor, servodatfága bachelor) ja unnimusat 60 oč boazodoallooahpuin

  • Sáhtát beassat sisa SPPO-F fidnofágalaš prográmmii luonddudoallu ja boazodoallu (naturbruk og reindrift) jus dus lea unnimusat 2 jagi relevánta ollesáiggi fidnohárjehallan (omd. ahte leat bargan boazoealáhusas dahje eará barggus gos leat boazodoaluin bargan).
  • Sáhtát beassat sisa SPPO mas lea fágačiekŋudeapmi boazodoalus dahje servodatfágas, jus dus lea unnimusat 2 jagi relevánta bargovásáhus vuođđoskuvllas dahje joatkkaskuvllas.
  • Sámi praktihkalaš pedagogalaš oahppu 5.-13. cehkiide (SPPO) mas lea fágačiekŋudeapmi boazodoalus addá oahpahangelbbolašvuođa boazodoalus joatkkaskuvllas oahppospesialiseren prográmmas, oktasašfágain fidnofága prográmmain ja rávisolbmooahpahusas. 
  • Sámi praktihkalaš pedagogalaš oahppu 5.-13. cehkiide (SPPO) mas lea fágačiekŋudeapmi servodatfágas addá oahpahangelbbolašvuođa servodatfágas gaska- ja nuoraiddásis vuođđoskuvllas, ja joatkkaskuvllas oahppospesialiseren prográmmas, oktasašfágain fidnofága prográmmain ja rávisolbmooahpahusas. 
  • Sámi praktihkalaš pedagogalaš oahppu fidnofágii, 8.-13. cehkiide (SPPO-F) fidnofágaprográmma luonddudoallu ja boazodoallu (naturbruk og reindrift) addá gelbbolašvuođa bargat fidnofágaoahpaheaddjin luonddudoallo- ja boazodoallofága siskkobeale joatkkaskuvllas ja fitnodagain.

Buohccidivššároahppu bachelorain

  • Sáhtát beassat sisa SPPO-F fidnofágalaš prográmmii dearvvašvuođa- ja bajásšaddanfága (helse- og oppvekstfag) jus dus lea unnimusat 2 jagi relevánta ollesáiggi fidnohárjehallan (omd. bargovásáhus buohccidivššárin).
  • Sámi praktihkalaš pedagogalaš oahppu fidnofágii, 8.-13. cehkiide (SPPO-F) fidnofágaprográmma dearvvašvuođa- ja bajásšaddanfága (helse- og oppvekstfag) addá gelbbolašvuođa bargat fidnofágaoahpaheaddjin dearvvašvuođa- ja bajásšaddanfága siskkobeale joatkkaskuvllas ja fitnodagain.
Movt duođaštan bargovásáhusa?

Sámi praktihkalaš pedagogalaš oahppu 5.-13. cehkiide (SPPO) ohppui gáibiduvvo 2 jagi relevánta bargovásáhus vuođđoskuvllas dahje joatkkaskuvllas.  

  • Lea dušše bargovásáhus vuođđo- dahje joatkkaskuvllas mii dohkkehuvvo láhkaásahusa mielde. Láhkaásahus ii gáibit ahte lea oahpahanvirggis leamaš.
  • Sámi allaskuvla lea ohcan Máhttodepartemeanttas spiehkasteami láhkaásahusa mearrádusas ahte bargovásáhus galgá leamaš vuođđo- dahje joatkkaskuvllas, ja vuordit áin vástádusa ohcamii. Jus allaskuvla oažžu spiehkasteami ovdal 2026 čavčča, de meannuduvvojit ohcamat spiehkasteami mielde. Danin ávžžuhit ohcat jus dus lea relevánta bargovásáhus, muhto ii vuođđo- dahje joatkkaskuvllas. 

Sámi praktihkalaš pedagogalaš ohppui fidnofágii, 8.-13. cehkiide (SPPO-F) ohppui gáibiduvvo unnimusat 2 dahje 4 jagi relevánta ollesáiggi fidnohárjehallan (bargovásáhus), geahča dárkilat čilgehusa badjelis.

  • Fidnohárjehallamiin oaivvilduvvo dás ahte don leat bargan fidnosuorggis dahje ámmáhis man vuođul ozat ohppui.

Bargovásáhusa dokumentašuvdna: Bargovásáhus galgá dokumenterejuvvot duođaštusain bargoaddis. Duođaštusas galgá boahtit ovdan álgin- ja heaitindáhton, virgesturrodat dahje ollislaš diibmolohku. Bargošiehtadusat, bálkáskovit dahje CV eai dohkkehuvvo duođaštussan. Iehčanas ealáhusdoalli barggus gáibiduvvo dokumentašuvdna Brønnøysund-registaris ja čilgehus fidnoaktivitehtas. Jus galggat duođaštit fidnohárjehallama boazodoalus, muhto it leat iehčanas ealáhusdoalli dahje dus ii leat siidaoassi, de bivddát siidaoasi eaiggádis bargoduođatusa.