• Jus studeanta lea ovdal čađahan oahpu man oahppanjoksosat vástidit daid oahppanjoksosiid mat leat mearriduvvon ovtta Sámi allaskuvlla oahpus, de sáhttá Sámi allaskuvla Universitehta ja allaskuvlalága §§ 9-1 - 9-3 mielde dohkkehit daid oassin studeanta oahppoprográmmas.
• Go studeanta oažžu dohkkehuvvot ovdal čađahuvvon oahpu oassin iežas oahpus Sámi allaskuvllas, de ii galgga dárbbahit čađahit vástideaddji oahpu ođđasit.
• Jus oahppu stivrejuvvo našunála rámmaplána vuođul (nu movt Sámi vuođđoskuvlaoahpaheaddjeoahput ja Sámi mánáidgárdeoahpaheaddjeoahppu), de sáhttet rámmaplánas dahje oahpu nášunála njuolggadusain leat gáibádusat ja eavttut dohkkeheapmái.
• Sámi allaskuvla sáhttá maid luoitit osiin oahpus eará heivvolaš eksámena dahje geahččaleami vuođul. Duođaštuvvon reálagelbbolašvuohta sáhttá maid leat vuođđun beassamii.

Ohcat sisaheiveheami ja beassat fágain

Ohcanskovvi: Sisaheiveheapmi ja oahpuid dohkkeheapmi

• Ohcan dábálaččat ii meannuduvvo ovdal go studeanta lea álgán ohppui.
• Studeanttas lea alddis ovddasvástádus oassálastit, čađahit geatnegahtton bargguid ja vejolaččat čađahit eksámena fágas mas ohca beassat, dassážii go ohcan lea meannuduvvon.  
• Sisaheivehanohcamiidda dahkko fágalaš árvvoštallan, ovdal meannuduvvojit hálddahuslaččat.
• Sisaheivehanohcamiiddá lea dábálaččat 3 mánu meannudanáigi, nu ahte ođđa studeanttat ávžžuhuvvojit árrat ohcat vai čielgá makkár fágaid galget čađahit.
• Fuomáš ahte jus beasat oasis iežat oahppoprográmmas ja it čađat 60 oč oahppojagis, de das sáhttá leat váikkuhus lotnii ja stipendii.

Oppalaš prinsihpat sisaheivehemiide ja fágaid beassamii

• Earuhit guovtti dábálaš vuogi gaskkas movt ovdal čađahuvvon oahppu sáhttá addit vuođu beassamii:

1. Ovdal čađahuvvon oahppoovttadat sisaheivehuvvo, ja addá vuođu beassat du prográmmaoahpu oahppoovttadagas. Studeanta oažžu ovdal čađahuvvon oahppoovttadaga dohkkehuvvo oassin oahpus.
2. Ovdal čađahuvvon oahppu addá vuođu beassat geatnegahtton osiin du prográmmaoahpus. Studeanta sáhttá beassat geatnegahtton oahpahusas ja/dahje geatnegahtton bargguin, muhto čađaha olles eksámena oahppoovttadagas.

• Oahppu mii lea oassin sisabeassanvuođus ovtta grádii, ii sáhte sisaheivehuvvot oassin grádas.
• Bachelordási oahput eai sáhte dohkkehuvvot masterprográmmii / nuppi syklus dássái.
• Studeanta čuovvu oahppoprográmma dábálaš progrešuvnna vaikko beassá fágain. Dábálaččat ii fállojuvvo vejolašvuohta čađahit iešguđetge oahppojagi fágaid oktanaga, vaikko lea beassan muhtin fágain ja nu ii leat šat ollesáiggestudeanta dan oahppojagis.
• Loga eanet prinsihppanotáhtas sisaheivehemiide ja fágaid beassamii Sámi allaskuvllas.