UA-lága § 11-7 mielde galgá buot eksámeniidda ráhkaduvvot čálalaš sensorláidehus. 

Mii lea sensorláidehus? 

• Sensorláidehus galgá čilget vuordámušaid eksámenvástádussii ja makkár vuordámušat leat buori vástádussii, gaskamearálaš vástádussii ja vástádussii mii deavdá vuolimus gáibádusaid ceavzit eksámena. 

• Jus eksámenbihtás/eksámenbihtáin leat dihto eksámengažaldagat, galgá sensorláidehus čilget mii ferte leat mielde vástádusas vástidan dihte gažaldaga, omd. fasihtta, momeanttat pensumosiin dahje evttohus čovdosiidda. 

• Sensorláidehusat galget sihkkarastit ahte sensorat atnet daid seamma kriteriaid vuođđun go árvvoštallet eksámeniid, ja ahte árvvoštallan dahkko oahppanjoksosiid ektui. 

• Sensorláidehusa sáhttá hábmet sierra juohke eksámenii, dahje eanet oppalaččat go dat leat lunddolaš eksámenvuogi ektui. 

Sensorláidehusa almmuheapmi: 

• Sensorláidehus galgá leat olámuttos studeanttaide maŋŋel go árvosánit leat mearriduvvon, dábálaččat Canvasis.  

• Eksámeniin main eai leat dihto eksámengažaldagat, sáhttá sensorláidehusa almmuhit studeanttaide ovdal dahje seammás eksámenbihtáin. 

• Jus sensorláidehus ii leat almmuhuvvon, váldde oktavuođa iežat oahppokoordináhtoriin.