Sámi allaskuvlla ekonomiijaossodagas lea dat bajitdási ovddasvástádus ekonomiija hálddašeamis. Dása gullá ekonomiijaraporteren, rehketdoallu ja bušeahttajuohkin.

Ekonomiijaossodagas maiddai lea ovddasvástádus olggobeale ruhtaduvvon doaimmain. Dat leat doaimmat mat eai lea ruhtaduvvon allaskuvlla vuođđoruđain, muhto lea belohahkii vai ollislaččat ruhtaduvvon olggobeale diŋgojeaddjis. Ossodat lea veahkkin ea.ea bušehteremis ja bušeahtta čuovvulemiin,  maiddai ekonomiijaraporteremiin olggobeale berošteddjiide ja siskkáldas dárbbuide.

Teknologiijaossodagas lea ovddasvástádus dihtorvuogádagain allaskuvllas ja jietna- ja govvavuogádagain Diehtosiiddas. Teknologiijaossodagat maid neavvu ja veahkeha geavahit teknihkalaš reaidduid, nu go dihtoriid, telefuvnnaid, sisabeassan ja eará. Doaibmaossodahkii gullá olles Diehtosiidda bassan, viessohoiden ja bálvalusguovddáš.

Teknologiija- ja doaibmaossodaga váldodoaimmat leat: 

• doaimmahit allaskuvlla serveriid ja backup
• dihtor- ja teknologiijageavaheami ovdáneapmi ja doarjja
• sisaoastin
• inventarregister
• sisagaikun- ja buollinsihkarvuohta
• lássásystemat
• telefuvnnat
• bassan olles Diehtosiiddas
• lanjaid láigoheapmi olggobeal ásahusaide
• Gearggusvuohta- ja sihkarvuohta

Bálvalanáigi lea juohke beaivve dii 08.00-15.30. Teknologiija veahkkedoaibma lea bálvalusguovddážis (ovdakantuvrra siskkobealde). E-boasta: support@samas.no 

Bargiidossodat lea oassin Sámi allaskuvlla hálddáhusas. Bargiidossodahkii gullá maid arkiiva.

Bargiidossodagas lea váldoovddasvástádus hálddašit áššiid mat gullet bargiid beliide bargooktavuođas, earret eará bálkkát, šiehtadusat, virgáibidjamat, mátkkit jna.

Arkiivva váldodoaibma lea sihkkarastet, doaimmahit ja hálddašit Sámi allaskuvlla arkiivva.

Bargiid- ja arkiivaossodagas leat oktiibuot 6 bargi oktii bargiidhoavddain.

bargiidossodat@samas.no