Oahppoduođaštusa oažžut čađahuvvon gráda, profešuvnnaoahpu, bachelorgráda, mastergráda dahje eará oahppoprográmma ovddas. Eará oahpuid ovddas mat eai adde gráda, čállo árvosátnečálus. 

Dás logat eanet oahppoduođaštusaid ja árvosátnečállosiid birra.

Vitnemålsportalen

• Vitnemålsportalen (Loahppaduođaštusportála) lea lea Norgga portála man bokte sáhtát juogadit iežat bohtosiid earáiguin liŋkka bokte maid sáddet omd. vejolaš bargoaddiide ja oahppoásahusaide.  

• Dáppe gávnnat iežat digitála vuolláičállojuvvon oahppoduođaštusa ja eará bohtosiid. 

• Liŋkka: Vitnemålsportalen  

Loga eanet dáppe: 

• Mo doaibmá Loahppaduođaštusportála?
• Digitála vuolláičállaga verifiseren 

Geahča: Filbma mo juogát liŋkka iežat bohtosiidda 

Árvosátnečálus 

Don oažžut árvosátnečállosa Vitnemålsportalen bokte: 

• Viečča doppe árvosátnečállosa PDF-hámis dahje juoge liŋkka iežat bohtosiidda.   

Sáhtát nai diŋgot digitála vuolláičállojuvvon árvosátnečállosa StudentWeba bokte: 

• Deaddil “Mer/ More” ja “Bestillinger / Orders” 

• Deaddil “Bestilling av karakterutskrift på papir / Transcript of records with digital signature” 

• Árvosátnečálus ihttá dokumeanttaid vuollái StudentWebas sullii 10 minuhta maŋŋel go diŋgojit.  

• Digitála vuolláičállojuvvon árvosátnečálus lea verifiserejuvvon digitála vuolláičállagiin mii gusto dušše jus earát eai leat rievdadan PDF:a. Dát mearkkaša ahte ii leat verifiserejuvvon jus čálihat duođaštusa báhpirii.   

Jus man nu siva geažil dárbbahat árvosátnečállosa mii lea fysalaččat vuolláičállojuvvon, de váldde oktavuođa oahppohalddahus@samas.no čujuhussii.  

Leat go loahpaheame gráda fargga?  

Ovdal gárvet gráda berret iskkat leat go StudentWebas du dieđut riekta registrerejuvvon, nu movt  

• du olles namma 

• du ruovttučujuhus jus galggat oažžut báberduođaštusa boastta bokte (olgoriika studeanttaide)  

• Jus du namma ii leat registrerejuvvon riekta, de atte dieđu dan birra oahppohalddahus@samas.no čujuhussii. Bija mielddusin dokumentašuvnna mii duođašta du nama.  

Dušše oahppoovttadagat mat gullet du ohppui ja leat du oahpahusplánas (geahča StudentWebas) bohtet mielde du oahppoduođaštussii. Eará oahpuid don duođaštat sierra árvosátnečállosiin. 

• Jus háliidat rievdadit omd. doarjjafágaid iežat oahpus, de váldde oktavuođa oahppohálddahusain ovdal oahppoduođaštus ráhkaduvvo. 

Oahppoduođaštusa galggat oažžut maŋemusat 2 vahkku maŋŋel loahpalaš eksámenbohtosat leat almmuhuvvon, ja maŋemus 01.07 jus gárvet oahpu giđđalohkanbajis. 

Don oaččut dieđu e-boasta bokte go oahppoduođaštus lea gárvvis. 

 Oahppoduođaštusa giella 

• Oahppoduođaštusat sámegielat oahppoprográmmain ráhkaduvvojit sámegillii ja oahppoduođaštusa lasáhus, Diploma Supplement, lea eaŋgalasgillii. 

• Diploma Supplement lea dehálaš ee. jus oahppoduođaštusa vuostáiváldi ii hálddaš sámegiela.  

• Diploma Supplement lea dokumeanta mii čuovvu alit oahpu oahppoduođaštusa ja galgá addit standardiserejuvvon čilgehusa oahpu iešvuođain, dásis, sisdoalus ja stáhtusis. Diploma Supplement lea ráhkaduvvon málle mielde mii lea sohppojuvvon Europa-kommišuvnna, Eurohpáráđi ja United Nations Educational, Scientific and Cultural Organization (UNESCO) gaskkas. Dat lea maid oassin Europass rámmavuogádagas mii galgá sihkkarastit rabasvuođa ja lea hábmejuvvon nu ahte sáhttá leat veahkkeneavvun akademalaš kvalifikašuvnnaid dohkkeheamis. Diploma Supplement lea dušše gustovaš ovttas oahppoduođaštusain. 

Digitála vuolláičállojuvvon oahppoduođaštus 

2025 giđa rájes ráhkada Sámi allaskuvla digitála vuolláičállojuvvon oahppoduođaštusaid. 

Oahppoduođaštusa ja Diploma Supplementa gávnnat dokumeanttaid vuolde StudentWebas ja Vitnemålsportalas.  

Olgoriika studeanttat geain ii leat Norgga persovdnanummir ožžot digitála vuolláičállojuvvon oahppoduođaštusa maiddái báberhámis. Dat sáddejuvvo boastačujuhussii mii lea registrerejuvvon ruovttučujuhussan StudentWebas.  

Du digitála oahppoduođaštus PDF-hámis rehkenasto originála duođaštussan. Dat čuovvu internationála standárda ja galgá dohkkehuvvot duođaštussan. Dat sáhttet goitge leat muhtin ásahusat mat eai dohkket digitála vuolláičállojuvvon dokumeanttaid.  

• Jus don dárbbahat báberveršuvnna sáhtát oažžut attesterejuvvon kopiija iežat digitála oahppoduođaštusas. Dán bivddát oahppohalddahus@samas.no čujuhusa bokte easka dalle go vejolaččat dárbbahat dan. 

Maid mearkkaša ahte dokumeanta lea digitála vuolláičállojuvvon? 

• Jus soamis geahččala rievdadit sisdoalu PDF:s, de dalán rievdá digitála vuolláičála nu ahte dat ii šat gusto. 

• Vuostáiváldi sáhttá verifiseret digitála vuolláičállaga vai lea sihkkar ahte das lea rivttes sisdoallu.  

• Loga dáppe movt: Digitála vuolláičállaga verifiseren 

• Fuomáš ahte lea dušše vejolaš verifiseret PDF originála elektronalaš hámis. Jus dokumeanta čállojuvvo olggos de ii leat šat vejolaš verifiseret vuolláičállaga.  

Báberduođaštus 

• Studeanttat geat leat ovdal 2025 giđa loahpahan gráda Sámi allaskuvllas, galget leat ožžon oahppoduođaštusa ja Diploma Supplement báberhámis.   

• Studeanttat geat ovdal leat ožžon oahppoduođaštusa báberhámis, eai sáhte oažžut digitála oahppoduođaštusa. 

Dárbbahat go Diploma Supplementa? 

• Jus don leat ožžon oahppoduođaštusa ovdal go Diploma Supplement šattai dábálaš, de sáhtát bivdit oažžut dákkára.  

• Váldde oktavuođa oahppohalddahus@samas.no čujuhusain bivdit ahte dutnje ráhkaduvvo dát.  

• Diploma Supplement lea dehálaš ee. jus dus lea sámegielat oahppoduođaštus ja oahppoduođaštusa vuostáiváldi ii hálddaš sámegiela.  

• Diploma Supplement lea dokumeanta mii čuovvu alit oahpu oahppoduođaštusa ja galgá addit standardiserejuvvon čilgehusa oahpu iešvuođain, dásis, sisdoalus ja stáhtusis. Diploma Supplement lea ráhkaduvvon málle mielde mii lea sohppojuvvon Europa-kommišuvnna, Eurohpáráđi ja United Nations Educational, Scientific and Cultural Organization (UNESCO) gaskkas. Dat lea maid oassin Europass rámmavuogádagas mii galgá sihkkarastit rabasvuođa ja lea hábmejuvvon nu ahte sáhttá leat veahkkeneavvun akademalaš kvalifikašuvnnaid dohkkeheamis. Diploma Supplement lea dušše gustovaš ovttas oahppoduođaštusain. 

Dárbbahat go ođđa báberduođaštusa (duplikáhta)? 

• Ráhkaduvvo dábálaččat dušše okta oahppoduođaštus juohke olahuvvon grádas. Sáhtát goitge oažžut ođđa oahppoduođaštusa báberhámis (duplikáhta) jus: 

1. Sáhttá duohtan dohkkehuvvot dahje duođaštuvvot ahte du oahppoduođaštus lea láhppon dahje billehuvvan omd. buollimis, suoládeamis, čáhcevahágahttoma geažil dahje sullasaš oktavuođas. 

2. Jus leat molson persovdnanummára sohkabeali molsuma geažil, dahje jus dus leat eará nanu ákkat. Nammarievdadusa geažil ii ráhkaduvvo ođđa oahppoduođaštus.   

• Duplikáhta ovddas mávssát 700 ru. divada.