Oahppodoarjja
Stipeanddaid ja doarjjaortnegiid
- Stipeanddaid ja doarjjaortnegiid.
Sámi allaskuvlla studeanttain lea vuoigatvuohta oažžut oahppodoarjaga Stáhta loatnakássas. Gávdnojit maid eará stipeandaortnegat, nu go Norgga Sámedikkis.
Norgga sámedikki stipeanda
Norgga sámediggi lea ásahan stipeandaortnega vissis fágasurggiin. Sámediggi almmuha stipeanddaid jahkásaččat. Eambbo dieđuid gávnnat Sámedikki interneahtasiidduinNorgga stáhta loatnakássa
Go Norgga beale studeanttat studerejit ollesáigge dahje bealleáigge Sámi allaskuvllas, de sis lea vuoigatvuohta oažžut oahppodoarjaga Stáhta oahppoloatnakássas. Stáhta loatnakássa ohcanáigemearit leat 15.11 čakčalohkanbadjái ja 15.03 giđđalohkanbadjái. Njuolggadusat ja ohcanskovit gávdnojit dáppe.
Doarjjaortnet Ruoŧa ja suoma studeanttaid váste
Ruoŧa ja Suoma studeanttat galget ohcat oahppodoarjaga ruovtturiikkas. Jus lea registrerejuvvon ja orron Norggas guhkit go guokte jagi, de lea vejolaš ohcat loana ja stipeandda Norgga stáhta oahppoloatnakássas. Oahppohálddahus sáhttá veahkehit studeanttaid oahpporuhtaohcamiiguin vai sáhttet ohcat ruhtadoarjaga iežaset ruovtturiikkas.
Ruoŧas: Centrala studiestödsnämnden, CSN; www.csn.se
Suomas: KELA; www.kela.fi
Lonohallan
- Lonohallan
- Govva
Háliidivččet go váldit oahpu Sámis, muhto niegadat studeret olgoriikkas? Dus lea vejolašvuohta ollašuhttit goappaš sávaldagaid. Sámi allaskuvlla studeanttain leat buorit vejolašvuođat váldit oanehisáiggi dahje guhkitáigge lonohallama olgoriikkas.
Lonohallamis sáhtát viiddidit iežat fierpmádaga, oahpásmuvvat ođđa riikkaide, kultuvrraide ja gielaide. Don oaččut ođđa perspektiivvaid, beassat čiekŋudit fáttáide ja surggiide mat eai soaitte gávdnot Norggas. Dasa lassin lea lonohallan maid buorre vejolašvuohta dutnje oaidnit máilmmi ja oahppat eará allaskuvllain ja universitehtain. Lonohallama bokte čájehat ahte leat iešheanalaš, roahkkat ja dus lea rabasvuohta vásihit juoidá ođđasa, mii lea ávkkálaš du CVai.
Sámi allaskuvla lea Erasmus+, Barents+ ja North 2 North prográmmas mielde. Prográmmaid bokte sáhtát oažžut lonohallanstipeandda ja stáhta Loatnakássa fállá maiddái ruhtadeami lonohallamii. Árktalaš guovlluide lea earenoamáš buorre vejolašvuohta oažžut oahpposaji lonohallamii.
Sámi allaskuvllas leat dát lonohallan prográmmat:
Sáhtát leat lonohallamis 1 vahkus gitta 12 mánnui juohke oahppoprográmmas, bachelordásis gitta doavttirgráda dassái.
Loga eambbo min ovddeš studeanta Karen Monika vasahusaid birra go son lei lonohallamis Nunavutas, Kánadas dappeJa dappe beassat lohkat Ole Sammola vasahusaid birra go son lei lonohallamis Alaskas, USA:as.
- Movt ozat lonohallamii?
Maid dagat go áiggut vuolgit?
- Geahča lonohallanprográmmaid neahttasiiddus gosa sáhtát vuolgit. Dahje gulahala internašunaliserenráđđeaddin oahppohálddahusas.
- Gulahala iežat oahpu koordináhtoriin. Heivego oahppu maid don leat gávdnan du ohppui? Čuovo mielde ohcanáigemeriid, omd. goas fertet ohcan ohppui gosa áiggut vuolgit.
- Oza ohppui. Lonohallanprográmmain leat maid ohcanáigemearit doarjaga ohcamii.
- Oza Loatnakássas doarjaga lonohallamii.
- Álgge plánet vuolgima, siđa veahki internašunaliserenráđđeaddis oahppohálddahusas ordnet doarjaga máksima du mátkái
- Vuolgge!
- Čále oanehis raportta go boađát fas ruoktot.
Hárjehallan
- Oahpaheaddjeoahpuid hárjehallamat
Go don leat studeanta sámi oahpaheaddjeoahpuin, de hárjehallan lea dehálaš oassi du oahpus. Hárjehallamiin don leat oahpahallame oahpaheaddjeámmáha dego livččet duohta bargodilis mánáidgárddis, vuođđoskuvllas dahje joatkkaskuvllas.
Iskka hárjehallanoahpahusa rámmaid mat gusket du oahpaheaddjesuorgái. Dieđuid hárjehallanoahpahusa birra gávnnat maiddái du oahpu guoskevaš prográmmaplánain ja fágaplánain.
- Hárjehallanmánáidgárddit ja hárjehallanskuvllat
Hárjehallanoahppu čađahuvvo vuođđoskuvllain ja mánáidgárddiin maiguin Sámi allaskuvllas lea hárjehallanšiehtadus dahje verddešiehtadus. Hárjehallanšiehtadus lea vuođđun hárjehallanoahpu ovttasbargui ja oahpu ulbmila ollašuvvamii.
Ovttasbarggu guovddážis lea oahppokvalitehta ja oahpaheaddjestudeanttaid oahppanjoksosat. Hárjehallanoahppu ráhkkanahttá studeanttaid oahpaheaddjeámmáhii bargovásáhusaid ja reflekterema bokte, bagadallama ja árvvoštallama vehkiin. Hárjehallanoahpus lea ollisvuohta ja oktavuohta oahppanarenaid gaskkas ja searvvaha studeanttaid, hárjehallanbáikki eaiggádiid, jođiheddjiid, hárjehallanoahpaheddjiid ja oahppoásahusa fágabirrasa. Olles hárjehallanskuvla ja hárjehallanmánáidgárdii lea oahppanarenan.
- Giehtagirji hárjehallamiidda
Giehtagirjái leat čohkkejuvvon dieđut, njuolggadusat ja rávvagat mat gusket hárjehallanoahpu praktihkalaš čađaheapmái. Oahpaheaddjeoahpuid nationála láhkaásahusat, rámmaplánat ja njuolggadusat leat báikkálaččat heivehuvvon Sámi allaskuvlii ja sámi oahpaheaddjeoahpuide. Giehtagirji lea hábmejuvvon šiehtadusaid vuođul mat gusket verddeskuvllaide, verddemánáidgárddiide, hárjehallanmánáidgárddiide ja hárjehallanskuvllaide ja dáid ovttasbargui Sámi allaskuvllain.
Giehtagirji lea buohkaid váste geain lea dahkamuš hárjehallanoahpuiguin, nu go oahpaheaddjestudeanttaid, fágaoahpaheddjiid, hárjehallanoahpaheddjiid, rektoriid, mánáidgárdejođiheddjiid ja earáid geat dárbbašit dáid dovdat.