Nils Øivind Helander (Sámi allaskuvla)

Konrad Nielsen davvisámegiela  sátnevuorkká vurkkodeaddjin

Nielsena sátnegirji lea álggu rájes leamaš davvisámegiela deháleamos sátnegirji. Dát girji govvida mo dalá áiggi kultuvrra birra ságastallojuvvui. Konrad Nielsena sátnegirji ja su giellaoahppa leamaš  ja lea ain nana vuođđun  giellaovddidanbargguide. Áiggun iehčan sáhkavuorus čájehit mo Nielsena sátnegirji  govvida  sihke dalá giellageavahanvuogi ja maiddái mo sátnevuorká ođasmahttojuvvui ođđa áššiid gulahallandárbbuid várás.  Ná sáhttá su sátnegirjji guorahallat sihke giela seailluheami ja ođasmahttima oainnus.