Dás gávnnat dieđuid mat gusket luoikkaheapmái: 
Luoikkahanáiggit, máhcaheapmi ja mot várret ja diŋgot girjjiid ja artihkkaliid.

Oria lea boahtán ođđa veršuvnnas mii vuos ii  leat jorgaluvvon davvisámegillii. Láidehus vulobealde lea ovddit veršuvnnas davvisámegillii.

Luoikkahit

Don fertet leat registrerejuvvon luoikkaheaddjin Sámi allaskuvlla girjerádjosis jus galggat sáhttit luoikkahit. Allaskuvlla bargit ja studeanttat geavahit studeanttakoartta/bargikoartta luoikkahankoartan. 

Girjjiid luoikkaha luoikkahanautomáhtas girjerádjosis. Elektrovnnalaš mediaid dego CDaid ja DVDaid luoikkaha skráŋka bokte.

Luoikkahanáiggit:

• Dábálaš luoikkahanáigi lea 4 vahkku.
• Elektrovnnalaš mediain (CDain, DVDain, jietnagirjjiin) lea luoikkahanáigi ovtta vahkku.

 

Mii ávžžuhit geavaheddjiid ieža ohcat materiála Orias dárkkistan dihte lea go materiála siste, ja guđe hildus dat gávdnošii.

Jus logget sisa Oriai, de beasat earet eará oaidnit ja ođastit iežat luoikamiid, várret girjjiid ja maid vurket ohcanbohtosiid Orias. (Geahča: Ođasmahttit vuollelis).

Várret

Jus girji lea luikojuvvon, de sáhtát várret dan.

Logge sisa Oriai, ja deaddel Gávnna ja diŋgo ja de Diŋgo dokumeantta.
Oaččut dieđu e-boastta bokte dakkaviđe go girji lea midjiide boahtán ja lea viežžan láhkái. Áigemearri viežžat lea 5 árgabeaivvi sisa.

Fuomaš ahte ii leat vejolaš várret dahje diŋgot girjjiid mat leat hildus girjerádjosis. 
Dáid šattat ieš ohcat ja luoikkahit.

Ođasmahttit

Orias lea vejolaš ođasmahttit luoikkahemiid nu guhká go dokumeanttas ii leat vuordinlistu.
Dás oainnát movt ođasmahtát.

 

Fuomáš: Oria lea boahtán ođđa veršuvnnas mii ii vuos gávdno sámegillii. Láidehus lea ovddit veršuvnnas.

Logge iežat siidui Orias

Govva

 

 

Vállje "Feide" 

Govva

 

 

Vállje "Mu luoikkaheamit"

Govva

 

 

Don sáhtát juogo ovtta luoikkaheami ođasmahttit, dehe visot

Govva

Diŋgot girjjiid ja artihkkaliid eará girjerádjosiin

Dárbbašat go girjjiid dahje artihkkaliid mat eai gávdno min girjerádjosis? De sáhtát diŋgot daid eará girjerádjosiin.

- Diŋgojuvvon girjjit bohtet 1-2 vahkku sisa.

- Artihkkalkopiijat bohtet dábálaččat 1-2 beaivvi mielde.   

 

Mii luoikkahit dušše girjjálašvuođa mii galgá geavahuvvot Sámi allaskuvlla oahpahusain ja dutkamis. Astoáigelohkamii mii ávžžuhit din galledit álbmotgirjerádjosa dahje Sámedikki girjerádjosa.

 

Girjjiid ja artihkkaliid diŋgon

Jus it gávnna Orias maid ozat, vállje “Norgga fágagirjerájut” menuas. Dalle sáhtát gávdnat girjjiid mat mis eai leat, muhto maid sáhttá diŋgot.  

Logge sisa Oriai jus áiggut diŋgot.  
Diŋgojumiid sáhtát maiddái sáddet midjiide e-boastta bokte, girjerajus@samas.no.

Máhcahit luoikkahuvvon materiálaid

Girjjiid maid áiggut máhcahit sáhtát buktit girjerádjosii dehe luoitilit girjegássii mii lea girjerádjosa olggobealde.
Mii gurret girjegássaid dássedit, muhto sáhttá ádjánit guokte árgabeaivvi ovdal go girjjit jávket luoikkahemiid vuolde mu siiddus Orias.

Sáhtát maid sáddet girjjiid ruovttoluotta boastta mielde. Dalle lea čujuhus:

Sámi allaskuvla
Girjerájus
Hánnoluohkká 45
9520 Kautokeino

Luoikkahannjuolggadusat