Studeanttain geain leat earenomáš dárbbut dahje doaibmahehttejumit, sáhttá leat Universitehta- ja allaskuvlalága § 10-5 ja 10-6 mielde vuoigatvuohta oažžut oahppodili ja eksámena heivehuvvot dainna lágiin ahte sihkkarasto ahte sis lea ovttadássásaš oahppovejolašvuođat.  

Dus sáhttá leat vuoigatvuohta oažžut eksámenheiveheami ovdamearkka dihte jus: 

• dus leat lohkan- dahje čállinváttut, ADHD dahje konsentrerenváttisvuođat 

• dus leat oaidninváttut, leat guluheapmi dahje lihkadanhástalusat 

• dus lea doaimmashehttejupmi dahje eará dearvvašvuođaákkat 

• leat áhpeheapme ja dárbbahat vuoiŋŋastit 

• njamahat njuoratmáná ja dárbbahat njamahanbottu 

Dáppe logat eanet eksámenheivehemiid birra: Individuála heiveheapmi 

Oza individuála heiveheami eksámenii dáinna skoviin: Ohcanskovvi: Individuála heiveheapmi

Ohcanáigemearri: 2 vahkku ovdal eksámena