Gávnna girjji hildus
Go Orias leat ohcan ja gávdnan fysalaš girjji, de leat dát dieđut mat čilgejit lea go girji siste, ja gos dat gávdno:
Dán ovdamearkkas gávdno girji guovtti čoakkáldagain (sajádagain) girjerádjosis.
Bajibus leat girjjit maid sáhttá luoikkahit. Dás čájeha maid ahte girji lea siste.
Vuolit lea sierra čoakkáldat mas leat pensumgirjjit (p-ex). Das eai luikojuvvo girjjit.
Orias dieđut
Sajádatdieđuin Orias sáhtát oaidnit dákkár dieđuid:
Okta gáhppálat juohke girjjis mii lea lohkanmearis gávdno hilduin merkejuvvon p-ex hildogeažis. Dás eai luikojuvvo girjjit.
Girječoakkáldat masa leat čohkkejuvvon sátnegirjjit, leksikonat ja eará ohcangirjjit. Hildogeažis merkejuvvon r-ex. Dás eai luikojuvvo girjjit.
Muhtin girjjit leat ráddjejuvvon vuorkái (magasiidnii). Dáid lea dábálaččat vejolaš luoikkahit. Jeara girjerájusbargis.
Sámi allaskuvlla sierračoakkáldat gohčoduvvon Bergsland-čoakkáldat mii sisttisdoallá badjel 1000 girjji ja čállaga almmuhuvvon ovdal 1970.
Dás eai luikojuvvo girjjiit, ja latnjageavaheapmái leat čatnon sierra njuolggadusat.
Sáhtát maid iskat gávdno go girji Nationálagirjerádjosa Nettbibliotekas.
Hildosajádat - Oahpponeavvut
Muhtin girjjiin lea hildosajádatdiehtu eahpedábálaš:
Girjjit mat geavahuvvojit oahpponeavvun vuođđoskuvllas leat sierra hilduin merkejuvvon Oahpponeavvut hildogeažis. Dáin álgá hildosajádatnummár 'o':ain.
Hildosajádat - Čáppagirjjálašvuohta
Čáppagirjjálašvuođagirjjjit leat maid čohkkejuvvon sierra hilduide girjerádjosis.
Hildogežiin oainnát bustávaid listejuvvon vulobealde, ja girjjit leat maid merkejuvvon dušše ovtta bustávain.
- M - Muitalusgirjjit (románat, noveallat). Dás gávdná girjji čálli goarggus.
- D - Diktagirjjit. Dás gávdná girjji čálli goarggus.
- G - Govvagirjjit. Dás gávdná girjji čálli goarggus.
- A - Antologiijat. Dás gávdná girjji girjji namahusas.
- D - Diktaantologiijat. Dás gávdná girjji girjji namahusas.
Orias oainnát ovdamearkka dihte dákkár dieđu: