Jus oaivvildat ahte eksámena čađaheami oktavuođas lea dáhpáhuvvan formálalaš meattáhus, ovdamearkka dihte meattáhus eksámenbihtás dahje eksámena čađaheamis, de sáhtát váidit ášši.  

• Áigemearri: 3 vahku dan rájes go fuomášit dahje livččet galgan fuomášan meattáhusa  

• Sádde váidaga dákko: Váidda: Formála meattáhus eksámenis

Jus lea dahkkon meattáhus mii soaitá váikkuhan studeantta eksámenčađaheapmái dahje eksámenárvvoštallamii, de galgá árvvoštallanmearrádus sihkkojuvvot.  

• Jus lea vejolaš divvut meattáhusa ođđa árvvoštallama bokte, de galgá bargu/eksámenvástádus árvvoštallojuvvot ođđasit.  

• Jus ođđa árvvoštallama bokte ii leat vejolaš divvut meattáhusa, de galgá allaskuvla lágidit ođđa eksámena dahje geahččaleami, maid ođđa sensorat árvvoštallet.  

• Jus meattáhus lea váikkuhan maiddái eará kandidáhtaid eksámenčađaheapmái dahje árvvoštallamii, de sáhttá maiddái sin árvvoštallan sihkkojuvvot. Studeanttat guhtet eai leat váidán formála meattáhusa, muhto leat ožžon eksámenmearrádusa sihkkojuvvot, sáhttet váidit dán.  

• Jus studeanta lea gáibidan čilgehusa eksámenárvvoštallamii dahje lea váidán árvosáni, de lohkko váidináigemearri dan rájes go studeanta lea ožžon čilgehusa, dahje dan rájes go váiddaášši lea mearriduvvon.