Juohke lohkanbaji álggus ferte studeanta logget sisa StudentWebai ja registreret iežas oahpuide.

StudentWebas sáhtát:

• viežžat lohkanbadjedivada 

• registreret iežat studeantan 

• dieđihit iežat oahpahussii ja eksámeniidda maid áiggut váldit. 

Go leat dieđihan iežat eksámenii, mana StudentWebas geahččat “Aktive emner/My active courses”. Iskka leat go dieđihuvvon daidda eksámeniidda maidda galggat. 

Áigemearit: 

• 15.09 čavčča oahpuin 

• 15.02 giđa oahpuin 

Don sáhtát ieš geassádit eksámenis StudentWebas:

• Mana “Aktive emner/My active courses” vuollái ja deaddil “Trekk for eksamen / Withdraw from exam”. 

• Jus it leat geassádan ja it boađe dahje buvtte eksámena, de dat rehkenasto okta geahččaleapmin. 

Dus lea vuoigatvuohta geahččalit seamma eksámena golmma geardde. 

• Jus geassádat dohkálaš siva haga (nugo iežat buozanvuohta dahje lagas bearraša buozanvuohta/jápmin/lihkohisvuohta (heahtedilli), de it sáhte gáibidit ođđa eksámena ovdal go ordineara eksámen lágiduvvo ođđasit. 

Áigemearri: 10 beaivvi ovdal eksámena 

Fuomáš: Olu oahpuin lea progrešuvdnagáibádus. Muitte ahte jus geassádat eksámenis das sáhttá leat váikkuhus dasa ahte beasat go boahtte lohkanbajis joatkkit iežat oahpuin. Gulahala iežat prográmmajođiheddjiin dahje oahppohálddahusain jus leat gažaldagat! 

Eatnasiin lea vejolašvuohta čađahit eksámena ođđasit. Iskka makkár njuolggadusat gusket du dilis! 

• Dieđit eksámenii dáinna skoviin: Dieđiheapmi maŋiduvvon, geardun- dahje ođđa eksámenii 

• Don oaččut čálalaš vástádusa eksámendieđiheapmái iežat samas.no e-bostii go ášši lea meannuduvvon. Vástádusas boahtá ovdan goas ođđa eksámen čađahuvvo, dábálaččat nuppi lohkanbajis.  

Áigemearit: 

• 15.09 jus ozat čakčat čađahit eksámena  

• 15.02 jus ozat giđđat čađahit eksámena 

• Jus dus lea dohkálaš sivva manin it čađahan eksámena, de lea dus vuoigatvuohta čađahit maŋiduvvon eksámena.  

• Dohkálaš sivat eksámen- ja loahpalaš árvvoštallama láhkaásahusa § 12 mielde leat iežas buozanvuohta dahje lagas bearraša buozanvuohta/jápmin/lihkohisvuohta (heahtedilli).  

• Duođaštus dohkálaš jávkamis galgá addot allaskuvlii maŋemusat 5 beaivvi maŋŋel eksámendáhtona.
• Dán skovi bokte sáhtát sáddet duođaštusa: Doavtterduođaštusa dahje eará duođaštusa buktin

• Jus leat geassádan eksámenis dohkálaš ákka haga dahje dus ii lean dohkálaš ágga manin it čađahan eksámena, de sáhtát aŋkke ohcat beassat čađahit eksámena nuppes.  

• Jus háliidat buoridit árvosáni, dieđihat ođđa eksámenii. Árvosátni rievdá dušše jus oaččut buoret árvosáni ođđa eksámenis. 

• Vejolašvuohta čađahit ođđa eksámena lea dábálaččat dušše dalle go nuppes lágiduvvo ordineara eksámen.

Privatista lea son guhte dieđiha iežas eksámenii universitehta- ja allaskuvlalága § 3-10 mielde, almmá ahte lea váldon sisa studeantan allaskuvllas.  

• Loga eanet privatisttaid ja privatistadieđiheami birra dáppe: Privatistta 

• Dieđit privatistaeksámenii dáinna skoviin: Dieđiheapmi 

Áigemearit: 

• 01.09 jus ozat čakčat čađahit eksámena  

• 01.02 jus ozat giđđat čađahit eksámena